Dosja.al zbulon se një nga subjektet e Operacionit Forca e Ligjit, Emiljano Hysenaj, për të cilin u dha njoftimi nga OFL se është subjekt i paketës Anti-KCK, ndodhet në burg në Gjermani. Hysenaj u arrestua më 20 maj 2018, si pjesë e një organizatë kriminale shqiptare, e cila besohet se mundësoi futjen në Gjermani të 1.8 ton kokainë me vlerë tregu 400 milion euro.
Grupi përbëhej nga 13 persona, njëri prej tyre ishte edhe Hysenaj. Ata merrnin kokainën nga magazinat e kompanisë Greenyard e më pas ktheheshin përsëri në Shqipëri për të mos u identifikuar nga policia. Policia e Bavarisë që realizoi arrestimin, sqaronte asokohe se grupi u bashkua më 14 shtator 2017, për të sjellë një kokainë nga Ekuadori drejt Gjermanisë.
“Në një orë jo të përcaktuar të datës 14.09.2017 u bashkuan disa persona, bashkë me ta edhe të akuzuarit në një grup, me qellim që të sillnin një sasi të madhe kokaine nga Ekuadori në rajonin e Republikës Federale Gjermane, për ta shitur atë më tutje. Grupi përbehet nga të akuzuarit Emiljan Hysenaj, Dashamir Ndoj, një tjetër shqiptarë me mbiemrin Dauti, Dario Lame, Agim Zeka, Marjan Tola, Mevlan Beca, Granit Bajrami, dhe persona të tjerë deri tani të paidentifikuar.”-thuhet në njoftimin e vitit 2018, për Emiljano Hysenajn nga Policia bavareze.
I gjithë grupi kriminal ishte i mirë organizuar me detyra të qarta dhe të përcaktuara, ndërsa Hysenaj nxirrte kokainën nga magazinat e gomës. “Brenda grupit i akuzuari Dario Lame luante rolin e magazinierit. Ai vinte në dispozicion banesën e tij në Bargteheider Hamburg për takime konspirative të anëtarëve të bandës. I akuzuari Dashamir Ndoj banonte në këtë banesë edhe me të akuzuarit Dauti dhe Emiljan Hysenaj, të cilët kanë udhëtuar drejt Gjermanisë për nxjerrjen e Kokainës nga magazinat e gomave. Kanë qëndruar në po të njëjtin apartament, gjatë qëndrimit të tyre në Gjermani. Në emër të të akuazuarit janë të regjistruara një makinë tip Mercedez Benz dhe një autoveturë personale tip Skoda të cilat përdoreshin nga anëtarët e bandës. Të akuzuarit Dauti dhe Hysenaj udhëtonin nga Shqipëria rregullisht sa herë që kishin ndërhyrje të tilla.”-njoftonte policia. Në Gjermani për 13 shqiptarët, ishin gjurmët e ADN-së ato që provuan se ata ishin transportuesit e kokainës. E ndërkohë që ndodhet në burg, Emiljano Hysenajt i është lënë 48 orë kohë për të sqaruar burimin e pasurisë së tij në Durrës.
Sot OFL njoftoi se i është dërguar formulari tri subjekteve, Dashamir Gjokës, Emiljano dhe Edlir Hysenajt në Durrës, ndërkohë që jo më larg se dje, OFL në një njoftim zyrtar dha detaje nga puna e ditës së dytë. Lul Berisha dhe Ardian Capja, janë dy subjektet që duhet të provojnë burimin e pasurisë brenda 48 orësh, dhe më pas të dhënat do t’i kalojnë SPAK. Familjet Doçi dhe Bajri, ishin dy shënjestrat e qytetit të Shkodrës, ku iu sekuestruan super-vilat e anëtarëve që dyshohen se janë pjesë e grupit të Dukagjinit. Operacioni Forca e Ligjit nisi punë të hënën me Altin Hajrin, kreun e familjes Hajri të akuzuar për pengmarrjen dhe vrasjen e Jan Prengës. Hajrit iu sekuestrua kompleksi, garazhi dhe 3 shtëpi.
Si vijon puna pas marrjes së formularit?
Brenda dy ditësh, subjektet duhet të përgjigjen me shkrim për çdo pyetje të OFL. SPAK, brenda 15 ditësh, duhet të vlerësojë dosjen e përgatitur nga OFL-ja mbi aktivitetin kriminal të këtyre subjekteve, si edhe pasurinë e tyre. Sapo të bëjë këtë vlerësim, SPAK-u duhet t’i kërkojë Gjykatës Speciale masën e sekuestrimit për pasuritë e subjekteve dhe pas sekuestrimit, në jo më shumë se 6 muaj Gjykata Speciale duhet të vendosë për konfiskimin përfundimtar të tyre.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Dita e tretë e operacionit Forca e Ligjit ka në shënjestër tri emra të njohur dhe të dyshuar për lidhjen me krimin. OFL njoftoi se iu është dërguar...
Tiranë– Gjykata e Tiranës ka marrë vendimin që Muharrem Zilija, i cili ka kërcënuar me jetë drejtorin e Përgjithshëm të Burgjeve, Agim Ismailin, të shtrohet në ...
TIRANË- Operacioni Forca e Ligjit njoftoi sot se i është dërguar kërkesa për të deklaruar burimin e pasurisë tri personave në Durrës, njëri prej tyre, bizn...
FIER– Një person i identifikuar si Ligor Behari, banues në Plug të Lushnjes, ka ndërruar jetë paraditen e sotme, pasi ka rënë bashkë me automjetin e tij në lum...
Tiranë- Gjykata e Tiranës ka liruar nga parabargimi, Vladimir Gjutën, i cili u arrestua më 22 janar, pasi qëlloi kushëririn e tij disa herë me çeki&ccedi...
Tiranë- Drejtuesit më të lartë të policisë do të kalojnë në Vetting gjatë kësaj jave. Ditën e sotme në orën 10:00 ka nisur seanca për kreun e Gardës, Gramos Sa...
Kukës- Pak minuta më parë ka ndodhur një aksident në Rrugën e Kombit në dalje të tunelit të Kalimashit. Burime për Dosja.al bëjnë me dije se një automjet është ...
Holdandë– Policia holandeze ka kapur 17 klandestinë brenda një kamioni, të cilët kishin si destinacion Anglinë. Mediet vendase shkruajnë se mes tyre. 9 ishin sh...
Tiranë- Policia e Tiranës gjatë kësaj jave ka arrestuar 37 drejtues mjetesh, pasi janë kapur duke drejtuar makinën në gjendje të dehur, ose nuk kanë qenë të paj...
SHQIPERI- Autoriteti Rrugor Shqiptar ka dhënë informacion në lidhje me situatën rrugëve pasi vendi është përfshirë nga moti i keq. ARRSH njofton se në rrugën Ko...