Aktualitet

2 miliardë lekë pasuri/ Kush është biznesmeni durrsak ‘subjekt’ i OFL-së, iu bë atentat në makinën e blinduar ku ndo

5 Shkurt 2020, 10:35 Nga DOSJA
2 miliardë lekë pasuri/ Kush është biznesmeni durrsak

TIRANË- Operacioni Forca e Ligjit njoftoi sot se i është dërguar kërkesa për të deklaruar burimin e pasurisë tri personave në Durrës, njëri prej tyre, biznesmeni Dashamir Gjoka. Gjoka nuk është një emër i panjohur për autoritetet shqiptare, pasi në vitin 2017, ai i shpëtoi një atentati në afërsi të komunës Xhafzotaj, në vendin e quajtur “4 rrugët” në Shijak. Gjoka ishte në makinë bashkë me të bijën, dhe shpëtoi fatmirësisht pasi makina ku ndodhej ishte e blinduar.

Por kush është Dashamir Gjoka? Biznesmeni durrsak, ishte pjesë e hetimit edhe në kaudër të ligjit anti-mafia. Në vitin 2017, me kërkesë të Prokurorisë për Krime të Rënda, gjykata e shkallës së parë për Krime të Rënda ka vendosur konfiskimin e disa pasurive të paluajtshme të regjistruara në emër të shtetasit Dashamir Gjoka, nga Durrësi, dënuar për shfrytëzim prostitucioni dhe trafikim qeniesh njerëzore. Hetimi pasuror, nisi ndaj këtij shtetasi nga Prokuroria për Krime të Rënda, pas dyshimeve se ai i kishte krijuar pasuritë në bazë të të ardhurave të krijuara nga aktiviteti kriminal që ka kryer në Itali.

Atij iu sekuestrua edhe pasuria e tij e cila kapte vlerën rekord të 2 miliardë lekëve, duke lënë hijen e dyshimit, se çfarë do të deklarojë Dashamir Gjoka, nëse pasuria i është sekuestruar nga ligji Anti-Mafia?

Pasuria e Dashamir Gjokës:

Pasuria me sipërfaqe 6949 m² truall dhe 2012.17 m² ndërtesë, kompleks shërbimesh “Gjoka”, ndodhur në Durrës;

Pasuria me sipërfaqe 4639 m² arë, ndodhur në Durrës;

Pasuria me sipërfaqe 1247 m² truall dhe 230 m² + 710 m² ndërtesë, ndodhur në Durrës;

Pasuria me sipërfaqe 928 m² truall dhe 229 m² ndërtesë dy kate, ndodhur në Durrës;

Shoqëria “Gjoka” sh.p.k., së bashku me të gjitha asetet e saj.

Vlera totale e pasurive të konfiskuara është llogaritur në vlerën prej rreth 200.000.000 lekë (te reja).

Sot OFL njoftoi se i është dërguar formulari tri subjekteve, Dashamir Gjokës, Emiljano dhe Edlir Hysenajt në Durrës, ndërkohë që jo më larg se dje, OFL në një njoftim zyrtar dha detaje nga puna e ditës së dytë. Lul Berisha dhe Ardian Capja, janë dy subjektet që duhet të provojnë burimin e pasurisë brenda 48 orësh, dhe më pas të dhënat do t’i kalojnë SPAK. Familjet Doçi dhe Bajri, ishin dy shënjestrat e qytetit të Shkodrës, ku iu sekuestruan super-vilat e anëtarëve që dyshohen se janë pjesë e grupit të Dukagjinit. Operacioni Forca e Ligjit nisi punë të hënën me Altin Hajrin, kreun e familjes Hajri të akuzuar për pengmarrjen dhe vrasjen e Jan Prengës. Hajrit iu sekuestrua kompleksi, garazhi dhe 3 shtëpi.

Si vijon puna pas marrjes së formularit?

Brenda dy ditësh, subjektet duhet të përgjigjen me shkrim për çdo pyetje të OFL. SPAK, brenda 15 ditësh, duhet të vlerësojë dosjen e përgatitur nga OFL-ja mbi aktivitetin kriminal të këtyre subjekteve, si edhe pasurinë e tyre. Sapo të bëjë këtë vlerësim, SPAK-u duhet t’i kërkojë Gjykatës Speciale masën e sekuestrimit për pasuritë e subjekteve dhe pas sekuestrimit, në jo më shumë se 6 muaj Gjykata Speciale duhet të vendosë për konfiskimin përfundimtar të tyre.

(F.g/dosja.al)

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet anti-kçk-ja zbret në terren dashamir gjoka ofl ne terren anti-kçk-ja zbret në terren dashamir gjoka ofl ne terren

Sondazh

Poll

MË SHUMË