Politike

Enver Petrovci u shua në moshën 71-vjeçare, Rama: Aktor i jashtëzakonshëm, prehu në paqe

Kryeministri gjithashtu e cilësoi Enver Petrovcin si një aktor i jashtëzakonshëm.

22 Shtator 2025, 15:37 Nga E. D
Enver Petrovci u shua në moshën 71-vjeçare, Rama: Aktor i
Enver Petrovc

TIRANË- Kryeministri Edi Rama ka shprehur ngushëllime për ndarjen nga jeta të aktorit Enver Petrovcit. Me anë të një postimi në rrjetin social facebook, Rama shkruan prehu në paqe Enver Petrovci. Kryeministri gjithashtu e cilësoi Enver Petrovcin si një aktor i jashtëzakonshëm.

"Aktor i jashtëzakonshëm, njeri i dashur dhe keqardhje e madhe… Prehu në paqe Enver Petrovci," shkruan Rama.

Kush është Enver Petrovc

Enver Petrovci lindi më 28 shkurt 1954 në Prishtinë. Është një aktor dhe regjisor shqiptar. Fillimishtë studioi në Shkollën e Lartë Pedagogjike në Prishtinë në degën e aktrimit, më pastaj mbaroi studimet Universitare për aktor edhe në Fakultetin e Arteve Dramatike në Universitetin e Beogradit. Ka arritur karrierë shumë të suksesshme në teatër, sidomos në atë "Atelieja 212" me rolet e luajtuara aty u bë i njohur në mbarë ish-Jugosllavinë duke u vlerësuar si një nga aktorët me të famshëm të asaj kohe. Pas mbarimit të luftës në ish Jugosllavi, pas vitit 1999 vazhdoi me sukses karrierën e tij artistike kryesisht në trojet shqiptare, në Kosovë, Shqipëri por edhe më gjerë.

Interpretimet e tij në film ishin gjithashtu shumë të mirëpritura duke arritur famë shumë të madhe në kinematografinë ish jugosllave, shqiptare dhe ndërkombëtare. Është njëri nga themeluesit dhe profesorët e parë të degës së Artit Dramatik pranë Fakultetit të Arteve në Univerisitetin e Prishtinës. Pra, në vitin 1989 ai kthehet nga Beogradi për të ligjëruar lëndën e aktrimit në Universitetin e Prishtinës, ku dhe formohen kuadro të reja të aktorëve në Kosovë

edi rama

Sondazh

Poll

MË SHUMË