Aktualitet

Ndërtim pa leje, shembet me shpërthim me tritol resorti i ish-kryeinspektorit të IMT-së në Durrës

Ndërtimi i resortit është bërë në vitin 2017 kur Halili ishte në detyrë. Shtëpitë e pushimit janë pjesë e resortit luksoz “Restorant Saint Michelle Camping Hotel”, në të cilin përfshihen edhe ambiente me pishina, palma dhe struktura të tjera shërbimi.

29 Gusht 2025, 15:16 Nga N.F
Ndërtim pa leje, shembet me shpërthim me tritol resorti i
Shperthimi

DURRËS-  Resorti luksoz "Saint Michelle Residence" i ish-kryeinspektorit të IMT-së në Durrës, Ardian Halili është shembur ditën e sotme përmes shpërthimit me tritol. Resorti ishte ndërtim pa leje dhe ndodhej në fshatin Shetaj të Ishmit në Durrës.

Në lidhje me ndërtimin pa leje është vënë në pranga Ardian Halili. Ndërtimi i resortit është bërë në vitin 2017 kur Halili ishte në detyrë. Shtëpitë e pushimit janë pjesë e resortit luksoz “Restorant Saint Michelle Camping Hotel”, në të cilin përfshihen edhe ambiente me pishina, palma dhe struktura të tjera shërbimi.

Prokuroria dhe Policia e Durrësi kanë kryer hetime të thelluara, duke shqyrtuar dokumentacionin në Kadastër, pasi dyshohet se mund të jenë kryer manipulime ose shkelje ligjore gjatë procesit të regjistrimit dhe ndërtimit të kompleksit.

Ardian Halili u emërua në krye të Inspektoratit Ndërtimor Urbanistik të Durrësit (sot IMT) më 7 maj 2018 dhe e mbajti këtë detyrë deri në prill 2021. Pasi la detyrën, Halili deklaronte se kontrata e punës iu ndërpre nga Bashkia që në fillim të marsit.  Nga ana tjetër, bashkia e Durrësit deklaronte se ishte vetë Halili, që dha dorëheqjen. Ai e mbajti këtë post për rreth 3 vite dhe u zëvendësua nga Dorian Mema, kreu aktual i IMT Durrës.

resorti luksoz \"saint michelle residence\"

Sondazh

Poll

MË SHUMË