Aktualitet

Mbledhja e Këshillit Bashkiak të Pogradecit zhvillohet me debate, shkak shfrytëzimi i kullotave për panele fotovoltaike

Përfaqësuesit e banorëve të zonës kanë theksuar se nuk do të lejojnë kthimin e kullotave në terrene për panelet fotovoltaike. Përfaqësuesi ligjor i tyre ka njoftuar se në rast të miratimit nga Këshilli Bashkiak, do të ndiqen të gjitha hapat ligjorë për të kundërshtuar vendimin.

29 Gusht 2025, 11:21 Nga r.ll
Mbledhja e Këshillit Bashkiak të Pogradecit zhvillohet me debate,
foto ilustruese

POGRADEC- Këshilli Bashkiak i Pogradecit ka zhvilluar një mbledhje e cila është shoqëruar me debate të ashpra. Shkak për debatet është bërë mundësia e ndryshimit të statusit të kullotave të fshatit Çërravë, për t’i shfrytëzuar si terrene për panele fotovoltaike.

Këshilltarët janë shprehur kundër projektit, pasi sipas tyre ajo tokë që synohet të shfrytëzohet është jetike për blegtorinë e zonës. Të njëjtin qëndrim kanë shprehur dhe përfaqësuesit e banorëve të zonës, të cilët kanë theksuar se nuk do të lejojnë kthimin e kullotave në terrene për panelet fotovoltaike. Përfaqësuesi ligjor i tyre ka  njoftuar se në rast të miratimit nga Këshilli Bashkiak, do të ndiqen të gjitha hapat ligjorë për të kundërshtuar vendimin.

Nga ana tjetët përfaqësuesit e bashkisë kanë thënë se dhënia me qira e këtyre tokave për investime në energji diellore do të siguronte të ardhura të konsiderueshme për buxhetin vendor, ndërsa sipas tyre kullotat nuk janë të cilësisë më të mirë. Kjo pikë e rendit të ditës u shty për një seancë tjetër. Ndërkohë jashtë ambienteve ku u mbajt mbledhja disa banorë zhvilluan një protestë si shenjë kundërshtimi ndaj nismës.

mbledhje e keshillit bashkiak pogradec

Sondazh

Poll

MË SHUMË