Sport

Fenerbahçe, takim me Jose Mourinhon, për të përcaktuar të ardhmen e tij...

E ardhmja e Jose Mourinhos te Fenerbahce nuk është ende e sigurt, me të dyja palët që po përgatiten për një takim vendimtar që mund të rezultojë në një divorc të papritur.

9 Qershor 2025, 10:30 Nga DOSJA

Fenerbahçe, takim me Jose Mourinhon, për të përcaktuar

TURQI - José Mourinho u ul në stolin e Fenerbahçes, duke premtuar se do të fitonte kampionatin e Super Ligës dhe do t'i jepte fund plotfuqishmërisë së Galatasarayt, i cili në atë kohë kishte dy fitore radhazi.

Pavarësisht kësaj, klubi i Stambollit përfundoi njëmbëdhjetë pikë pas rivalit të tij, duke e përfunduar sezonin pa një titull, apo një seri të rëndësishme evropiane, ndërsa karakteri shpërthyes i "Special One" nuk ndihmoi.

Në këto rrethana, trajneri portugez, sipas Fanatik, po përgatitet për një takim vendimtar me drejtuesit e ekipit. Ndër të tjera, pritet të diskutohet e ardhmja e 62-vjeçarit me ekipin.

Mourinho ka kontratë në Turqi deri në verën e vitit 2026. Megjithatë, thuhet se mundësia e një divorci të parakohshëm nuk është e përjashtuar.

B.T (Dosja.al)

Sondazh

Poll

MË SHUMË