Aktualitet

“Nëna e Rayan publikoi në mediat libaneze lajmin e rremë se e bija vdiq në aksident”, miqtë e 24-vjeçares: Besuan se nëse do të vritej në Shqipëri ne nuk do ta mësonim të vërtetën

Miqtë e 24-vjeçares palestineze rrëfejnë se prindërit e saj inskenuan vrasjen në Shqipëri për të fshehur të vërtetën. Detaje të reja të tmerrshme dalin në dritë

30 Mars 2025, 22:28 Nga A.Ll
“Nëna e Rayan publikoi në mediat libaneze lajmin e rremë se
Ryan Alwan dhe Fadi Alwan

Detaje tragjike dhe të tmerrshme kanë dalë në dritë lidhur me vrasjen e 24-vjeçares palestineze Rayan Alwan në Tiranë më 22 shkurt, ndërsa miqtë e saj kanë shpërndarë detaje të reja shokuese për BalkanWeb.

Ata kanë bërë të ditur se prindërit e Rayan inskenuan vrasjen në Shqipëri për të fshehur të vërtetën e vdekjes së saj. Sipas miqve të saj, ata besonin se nëse vrasja do të ndodhte në Shqipëri, ata do të ishin në gjendje të fshehnin ngjarjen dhe të shmangnin zbardhjen e plotë të asaj që kishte ndodhur.

“Rayan kishte pasaportë greke, por nuk mund të udhëtonte nga Gjermania pasi nuk kishte leje qëndrimi gjermane, vetëm status azili. Ata besuan se nëse ajo vritej në Shqipëri, ne nuk do të merrnim kurrë informacion mbi fatin e saj, pasi shtypi gjerman nuk do të raportonte asgjë për këtë ngjarje,” thanë miqtë e saj.

Ata kanë shtuar se, pas një muaji kërkimi, ata më në fund zbuluan të vërtetën përmes një artikulli, që shpërndau lajmin e vrasjes së mikeshës së tyre.

Për më tepër, ata kanë pohuar se nëna e Rayan Alwan i ka njoftuar dy ditë më parë familjen e saj në Liban për vdekjen e saj, duke e përshkruar si një aksident automobilistik në Gjermani. Madje, lajmi u raportua në mediat libaneze, duke theksuar një version të ndryshëm të ngjarjeve, duke i dhënë asaj një shpjegim të gabuar dhe të rremë për vdekjen e saj.

Ky zbulim ka tronditur të gjithë ata që e njohën Rayan Alwan dhe ka ngritur dyshime të forta në lidhje me motivet dhe planin që prindërit e saj mund të kenë pasur për të fshehur vrasjen dhe për të manipuluar informacionin për të mbrojtur identitetin e vërtetë të ngjarjes.

Bëhet fjalë për këtë artikull:

“Nëna e Rayan publikoi në mediat libaneze lajmin e rremë se

“Nëna e Rayan publikoi në mediat libaneze lajmin e rremë se

“Nëna e saj, dy ditë më parë, njoftoi familjen e saj në Liban se Ryan kishte ndërruar jetë për shkak të një aksidenti automobilistik në Gjermani. Kjo është arsyeja pse ne nisëm të dyshonim dhe nisëm të kërkonim në internet, derisa hasëm në lajmin e publikuar nga ju. Ajo po ua fsheh krimin të gjithëve, por ne kemi zbuluar të vërtetën. Thjesht duam që të gjithë ta dinë se nëna dhe babai i saj ishin ata që e vranë. Ne duam vetëm trupin e saj që ta varrosim në Berlin”, u shprehën ata.

fadi alwan rayan alwan vrasja ne tirane

Sondazh

Poll

MË SHUMË