Aktualitet

Vrasja e palestinezes Rayan Alwan, flasin miqtë e 24-vjeçares: Nëna dhe babai bënë planin për eliminimin e saj! Si e bindi e ëma ta kalonte tranzit nga Shqipëria për në Liban

Miqtë e Rayan Alwan kanë shpërndarë detaje të tmerrshme, duke përfshirë informacionin se ishte nëna e saj ajo që e kishte bindur për të udhëtuar nga Gjermania për në Liban, duke kaluar përmes Shqipërisë

30 Mars 2025, 22:07 Nga A.Ll

Vrasja e palestinezes Rayan Alwan, flasin miqtë e 24-vjeçares:

TIRANË - Historia e vrasjes tragjike e 24-vjeçares palestineze Rayan Alwan, ka marrë një kthesë të trishtueshme, pasi miqtë e saj kanë shpërndarë informacion të ri në lidhje me ngjarjen, duke pretenduar se plani për vrasjen e saj mund të ketë ardhur nga prindërit e saj.

Pas një njoftimi të bërë nga BalkanWeb, miqtë e Alwan kanë thënë se ata kishin humbur kontaktet me të, dhe kishin kaluar më shumë se një muaj duke e kërkuar atë, derisa një lajm publik ka ndihmuar për të zbuluar fatin e saj tragjik.

Miqtë e Rayan Alwan kanë shpërndarë detaje të tmerrshme, duke përfshirë informacionin se ishte nëna e saj ajo që e kishte bindur për të udhëtuar nga Gjermania për në Liban, duke kaluar përmes Shqipërisë.

Ata kanë shpjeguar se, për shkak të pasaportës së saj greke dhe mungesës së një leje qëndrimi të vlefshme në Gjermani, ajo nuk mund të udhëtonte drejtpërdrejt në Liban.

Kjo ka shtyrë që nëna dhe babai i saj të planifikonin një udhëtim, i cili do të çonte në një fatkeqësi të pafalshme.

“Rayan jetonte në një nga shtëpitë që i përkiste qeverisë gjermane në Berlin, por ajo nuk kishte një leje qëndrimi gjermane dhe ishte në konflikt me prindërit e saj. Ajo po planifikonte të udhëtonte në Liban për të vizituar fëmijët e saj, por papritur, nëna e saj e bind të udhëtonte së bashku me të atin në Shqipëri dhe më pas në Liban,” shpjegojnë miqtë e saj.

Ky lajm ka tronditur shumë njerëz dhe ka ngritur shumë pikëpyetje lidhur me qëllimet e prindërve të Rayan Alwan, të cilët mund të kenë pasur një rol më të madh në tragjedinë që ka lënë të gjithë të tronditur.

Ngjarja:

Rayyan dhe Fadi Alwan mbërritën ne Rinas me datë 19 shkurt dhe u vendosën në një banesë me qira në rrugën Gjon Muzaka në kryeqytet. Sipas hetuesve Fadi Alwan pasi vrau 24-vjecaren me disa goditje thike me datë 22 shkurt, u largua nga Shqipëria në drejtim të Greqisë e prej andej në Amsterdam.
Ai dyshohet se është larguar drejt Libanit dhe deri më tani nuk është arrestuar.
Trupi i pajetë i 24-vjecares u gjet nga pronarja e banesës, 5 ditë pasi autori i dyshuar ishte larguar nga vendi.

rayan alwan vrasja 24-vjeçares palestineze fadi alwan

Sondazh

Poll

MË SHUMË