Politike

"Një kalim i ngjashëm si me Shqipërinë", Gashi: Nga 1 prilli kalimi Kosovë-Maqedoni e Veriut do të bëhet pa ndalesë të dyfishtë

Ai shtoi se kjo marrëveshje do të lehtësojë lëvizjen e qytetarëve, duke shmangur ndalesat e dyfishta në kufi.

4 Mars 2025, 21:53 Nga N.F
"Një kalim i ngjashëm si me Shqipërinë", Gashi:
Afrim Gashi

KOSOVË- Kryetari i Kuvendit të Maqedonisë së Veriut, Afrim Gashi, tha se nga 1 prilli pritet të hyjë në fuqi sistemi i kalimit të kufirit me një ndalesë mes Kosovës dhe Maqedonisë së Veriut, njësoj si mes Kosovës dhe Shqipërisë. Sipas Gashit, përgatitjet teknike janë në fazën finale, ndërsa aspektet politike dhe administrative tashmë janë të rregulluara.


“Në bazë të informacioneve që i kam, mendoj se janë përgatitjet finale. Po testohen pajisjet, softuerët, po flasim për finalizim në aspektin teknik. Në aspektin politik, administrativ, protokollar, gjithçka është në rregull”, tha Gashi.

Ai shtoi se kjo marrëveshje do të lehtësojë lëvizjen e qytetarëve, duke shmangur ndalesat e dyfishta në kufi. Gashi shpjegoi nëse niseni nga Shkupit, ndalesa do të bëhet vetëm në Han të Elezit, pa u ndalur në Bllacë. 


“Për ta pasur më të qartë shikuesit tuaj, por edhe shqiptarët këtu te ne, bëhet fjalë për një kalim të ngjashëm sikur që e ka Kosova me Shqipërinë. Nëse niseni prej Shkupit, ndalesa do të bëhet vetëm në Han të Elezit, pa u ndalur në Bllacë. Ndërsa kur vini nga Prishtina në Shkup, ndalesa do të bëhet vetëm në hyrje të Maqedonisë së Veriut. Të dhënat do të ndahen mes dy policive dhe kjo do të përshpejtojë shumë qarkullimin”, u shpreh Gashi në emisionin CONTEXT në ATV.

gashi

Sondazh

Poll

MË SHUMË