Politike

"Qepen pas gruas, lodrave të djalit e makinës së vjehrrit të vdekur!" Veliaj: Më arrestuan për të më hequr nga fushata, por sërish do i mund

Ai shtoi se sapo të dalë nga aty ku mbahet i izoluar sërish do t'i mundte kundërshtarët e tij politikë.

27 Shkurt 2025, 22:13 Nga M.B
"Qepen pas gruas, lodrave të djalit e makinës së vjehrrit
Ajola Xoxa dhe Erion Veliaj

TIRANA- Kreybashkiaku i Tiranës Erion Veliaj tha sot se janë "qepur" pas tij dhe familjes së tij teksa foli për arrestimin. Në një intervistë për Top Story Veliaj tha se qëllimi i hetimit dhe arrestimit ndaj tij është ta largojnë nga fushata zgjedhore. Ai shtoi se sapo të dalë nga aty ku mbahet i izoluar sërish do t'i mundte kundërshtarët e tij politikë.

Pjesë nga intervista: 

Pyetje: A ke pasur apo jo dijeni për shpenzimet e bashkëshortes tënde Ajola Xoxa? A e ke ditur që janë shpenzime personale apo të bizneseve të saj? A ke pasur dijeni për shifrat e këtyre shpenzimeve?

Veliaj: Pra, nuk kemi asgjë në një veting 20 vjeçar, të vetmin në Republikë, për të shoqin Erion Veliaj, dhe tani do i qepemi gruas, lodrave të djalit, makinës së vjehrrit të vdekur, vëllait, nënës - kujtdo, vetëm ta heqim nga fushata këtë që na mundi thellë në 2015, 2017, 2019, 2021, 2023 dhe (sapo të dal nga këtu) edhe në 2025, në një Tiranë më të pastër, më të bukur, më të vlerësuar ndërkombëtarisht, me 45 shkolla ultra moderne, plus 110 kopshte e çerdhe, Teatër të ri, Shesh të ri, Park të ri, Bulevard të ri, Unazë të re, Kala të re, Kopësht të ri Zoologjik, që Saliu-Luli-Olsi as kishin ide e kurajo t'i bënin!

erion veliaj

Sondazh

Poll

MË SHUMË