Sport

VIDEO/ Gabriel Jesus jashtë me barelë dhe lot në sy… Frikë për dëmtimin e gjurit

Lojtari i Arsenalit ka pësuar një dëmtim në gjurin e majtë dhe duket se është i rëndë, sipas asaj që ka dalë nga mediat angleze.

12 Janar 2025, 19:20 Nga DOSJA

VIDEO/ Gabriel Jesus jashtë me barelë dhe lot në sy…

ANGLI - Arsenali po dridhet nga pamjet e Gabriel Jesus në tokë, i dëshpëruar, me duart mbi fytyrë. I vendosur në formacionin fillestar të Arsenalit kundër Manchester United në raundin e tretë të FA Cup nga trajneri Mikel Arteta, sulmuesi brazilian qëndroi në fushë për vetëm 40 minuta para se të zëvendësohej nga Raheem Sterling.

Arsyeja? Lojtari i Arsenalit ka pësuar një dëmtim në gjurin e majtë dhe duket se është i rëndë, sipas asaj që ka dalë nga mediat angleze. Në një përpjekje për të goditur Bruno Fernandes dhe për të fituar topin përpara zonës së tij, Gabriel Jesus u rrëzua keq. Nga imazhet që qarkullojnë në ueb mund të shihni një përdredhje të gjurit dhe reagimin e menjëhershëm të lojtarit, i cili nuk është i mirë.

Sulmuesi i Arsenalit ngriti menjëherë dorën, duke kërkuar një zëvendësim, dukshëm në dhimbje. I përlotur, me fytyrën të fshehur në fanelë, ai u transportua me barelë nga mjekë të gatshëm anash për çdo rast. 

Ekziston frika e këputjes së ligamentit kryqëzor në gjurin e majtë për Gabriel Jesus, i cili po shfaqte një formë të mirë me londinezët (6 gola në 6 ndeshjet e fundit në të gjitha garat).

Një humbje e mëtejshme për Mikel Artetën, shumë i pafat këtë sezon për shkak të serisë së gjatë të dëmtimeve (Saka, Nwaneri, Calafiori, White, Tomiyasu). Në mes të afatit kalimtar dimëror,  “Topçinjtë” mund të mos kenë zgjidhje tjetër veçse të nënshkruajnë përforcime të reja në sulm.

B.T (Dosja.al)

Sondazh

Poll

MË SHUMË