Sport

Një tjetër futbollist i kombëtares në Serinë A, Lecce kërkon Arbër Hoxhën!

Gazetari italian, Gianluca di Marzio, raporton se drejtori i Lecces Pantaleo Corvino është duke e vëzhguar nga afër sulmuesin shqiptar, Arbër Hoxha, pas paraqitjeve të tij mbresëlënëse me Dinamon e Zagrebit.

3 Janar 2025, 21:07 Nga DOSJA
Një tjetër futbollist i kombëtares në Serinë A, Lecce

ITALI - Lecce ka kontaktuar Dinamon e Zagrebit për të siguruar shërbimet e sulmuesit të kombëtares shqiptare, Arbër Hoxha në merkaton e janarit. Me hapjen e merkatos së janarit ekipet italiane përfshirë Leccen kanë nisur punën për t’u përforcuar për pjesën e dytë të sezonit.

Gazetari italian, Gianluca di Marzio, raporton se drejtori i Lecces Pantaleo Corvino është duke e vëzhguar nga afër sulmuesin shqiptar, Arbër Hoxha, pas paraqitjeve të tij mbresëlënëse me Dinamon e Zagrebit. Pas dëmtimit të Lameck Banda, shqiptari po vlerësohet si alternativa më e mirë për t’i besuar krahun e majtë të sulmit të Lecce-es. Kujtojmë se Hoxha u transferua tek Dinamo Zagreb në janar të vitit 2024 për 1 milionë euro.

Hoxha doli nga moshat e ekipit të Prishtinës dhe pas aventurës së tij më disa ekipe të ligës kosovare, depërtoi  në skenën e futbollit evropian duke luajtur për Slaven Blupo, Lokomotivën e Zagrebit dhe së fundmi me gjigandin kroat të Dinamos së Zagrebit.

Shifra e përfolur që Lecce mendohet se do paguajë për të siguruar firmën e Hoxhës është 1.5 milionë euro. Megjithatë nuk dihet akoma nëse ekipi kroat do jetë i gatshëm ta lejojë sulmuesin shqiptar të largohet në merkaton e janarit.

B.T (Dosja.al)

Sondazh

Poll

MË SHUMË