Sport

Guardiola flet për Manchester Cityn dhe yjet e tij… Rodrin, Savinhon, De Bruyne

Trajneri i Manchester Cityt ka folur në një konferencë për shtyp, për problemet me të cilat përballen “Qytetarët”

3 Janar 2025, 16:49 Nga DOSJA

Guardiola flet për Manchester Cityn dhe yjet e tij… Rodrin,

ANGLI - Rikuperimi i Rodrit po përparon në mënyrë progresive. Me kujdes dhe qetësi. Pa përshpejtuar kohët. Këtë e ka konfirmuar Pep Guardiola në një konferencë për shtyp, para duelit të Premierligës kundër West Hamit të Julen Lopeteguit. Ata nuk do ta detyrojnë lojtarin. Këto ishin fjalët e tij:

Rikuperimi i Rodrit? "E rëndësishme është që të rikuperohet mirë... Objektivi është që të rikuperohet mirë për të qenë gati në fund të sezonit. Ky është objektivi...".

Rikuperimi i skuadrës? “Kemi edhe një shans kundër West Hamit për të marrë një tjetër fitore që do ta ndihmojë gjithmonë të ardhmen...”.

Përballja me Lopeteguin? "Kam shumë respekt për Julen (Lopetegui), e njoh mjaft mirë dhe cilësia e lojtarëve të tij është atje. Por për momentin ne jemi tepër të fokusuar te vetja..."

Savinho? "Unë mendoj se goli i tij i parë për Cityn do ta ndihmojë atë. Ai ka pasur mundësi, por nuk ka mundur të shënojë dhe jam i sigurt se do të na dhurojë momente të mira. Ai është shumë i ri, është sezonin e tij të parë në Angli, mendoj se ai ka luajtur shumë mirë kur ka luajtur, por ai është shumë i ri dhe ka shumë gjëra për të përmirësuar”.

De Bruyne? "Ne gjithmonë e duam atë (në formën e tij më të mirë fizike). Ai ka pasur probleme në vitin e fundit, një vit e gjysmë, si këtë vit me shumë e shumë lojtarë. Por, sigurisht, kur ai është i qëndrueshëm dhe i përshtatshëm dhe mund të luajë rregullisht, e kam thënë shumë herë, ai është një lojtar vërtet i rëndësishëm për ne, një lojtar vendimtar”.

B.T (Dosja.al)

Sondazh

Poll

MË SHUMË