Sport

“Tërmet” te Manchester United, Amorim gati t'i presë “kokën” Markus Rashfordit…

Pritet 'tërmet' në veri të Anglisë gjatë afatit kalimtar të verës…

11 Dhjetor 2024, 10:00 Nga DOSJA

“Tërmet” te Manchester United, Amorim gati t'i presë

ANGLI - Marcus Rashford ka lindur në vitin 1997 dhe që nga viti 2005, kur ishte vetëm tetë vjeç, ai ka veshur vetëm fanelën e një klubi: Manchester United.

Ai tashmë ka përjetuar gjithçka nën ngjyrat e “Djajve të Kuq” me suksese prestigjioze në Kupën FA, Kupën e Ligës por edhe një Ligë të Evropës në vitin 2017.

Megjithatë, ai pavarësisht këtyre, thuhet se sulmuesi ka nisur t’i hedhë sytë te fqinji i tyre, Manchester City, pasi “Djajtë” ende nuk kanë fituar një Premier League që nga largimi i Sir Alex Ferguson në 2013.

Dhe ndërsa drejtuesit e saj sapo kanë hapur një epokë të re me afrimin e Ruben Amorimit, e ardhmja duket se është larg të shkruarit.

Rashford i shitur?

Në të vërtetë, sipas informacioneve të  Sky Sports, e ardhmja e tij është më në pikëpyetje se kurrë në veri të Anglisë, deri në atë pikë sa çështja e një largimi këtë dimër tashmë është në tavolinë.

Trajneri i tij i ri nuk e konsideron të patransferueshëm. Një nga arsyet që e shtyn menaxhmentin të studiojë këtë mundësi është paga e tij kapitale.

Kështu, një transferim mund t'i mundësojë Manchester United që të respektojë më lehtë lojën e ndershme financiare, por gjithashtu do të ndihmonte Amorimin të kishte më shumë diferencë në lëvizjet e mundshme këtë dimër.

Megjithatë, kjo do të ishte një kthesë e madhe për “Djajtë e Kuq”, Rashford ende mishëron shpirtin e një skuadre, e cila megjithatë kërkon të rifitojë lavdinë e dikurshme, pa sukses deri më tani.

B.T (Dosja.al)

 

Sondazh

Poll

MË SHUMË