Aktualitet

Kapet 13-vjeçari me thikë me vete në një shkollë të Devollit

I mituri është duke u marrë në pyetje nga Policia në prani të psikologut dhe prindërit. 

21 Nëntor 2024, 11:57 Nga I.A
Kapet 13-vjeçari me thikë me vete në një shkollë
Foto Ilustruese

DEVOLL- Një 13-vjeçar është kapur me thikë me vete në një shkollë të Devollit. Mësohet se i mituri kishte në çantë një thikë tip biçak të fshehur në çantë. I mituri është duke u marrë në pyetje nga Policia në prani të psikologut dhe prindërit. 

Njoftimi i Policisë:

Devoll Ditën e sotme, në bazë të informacionit të marrë nga një mësuese dhe nga ndihmësspecialisti i zonës, se në një shkollë 9-vjeçare në rrethin e Devollit, një nxënës 13 vjeç mbante në çantë, një mjet prerës (biçak), menjëherë mësuesja, në prani të psikologes dhe stafit drejtues të shkollës, ka kryer kontroll në çantën e 13-vjeçarit.

Nga kontrolli i çantës u gjet mjeti prerës (biçak), i cili u sekuestrua në cilësinë e provës materiale nga specialistët për Hetimin e Krimeve të Komisariatit të Policisë Devoll. Nxënësi, i cili nuk ka shfaqur më parë probleme në sjellje në shkollë, është duke u pyetur në prani të prindit, psikologut dhe punonjësit social të shkollës, nga specialisti për Hetimin e Krimeve i Komisariatit të Policisë Devoll. Të gjitha veprimet po kryhen në drejtimin e prokurorit.

policia

Sondazh

Poll

MË SHUMË