Aktualitet

E rëndë në Itali/ Shqiptari plagoset nga mjeti i punës, vdes 41-vjeçari, luftoi me jetën dy ditë në spital (EMRI)

Të hënën në mëngjes ai kishte shkuar për t'u kujdesur për çmontimin e një kasolle. Në një moment, për arsye ende të paqarta, koshi ngritës në të cilin ai qëndronte është ngritur papritur dhe më pas e shtypi atë.

21 Nëntor 2024, 10:51 Nga N.F
E rëndë në Itali/ Shqiptari plagoset nga mjeti i punës, vdes
Pamje nga vendi i ngjarjes

ITALI- Një aksident tragjik është regjistruar në Itali ku një shqiptarë ka gjetur vdekjen dy ditë pas një incidenti në vendin e punës. Mësohet se ngjarja ka ndodhur të hënën, më 18 nëntor në Erba ku 41-vjeçari shqiptar u shtyp nga një mjeti i cili po përdorte në punë, një pirun ndërtimi.

Fatkeqësisht, ai humbi jetën dy ditë pas  vdiq pas dy ditësh agonie. Viktima quhej Elton Dema, ishte me origjinë nga Shqipëria dhe banonte në Stezzano, që ndodhet në provincën e Bergamos. Ai ishte punonjës i një kompanie në Bergamo. Të hënën në mëngjes ai kishte shkuar për t'u kujdesur për çmontimin e një kasolle. Në një moment, për arsye ende të paqarta, koshi ngritës në të cilin ai qëndronte është ngritur papritur dhe më pas e shtypi atë.

Mediat italiane theksojnë se në vendngjarje u thirrën menjëherë shërbimet e urgjencës ku iu dha trajtimi fillestar. Më pas u transferua në spitalin San Gerardo në Monza, ku më pas vdiq dy ditë më vonë. Në vendngjarje ka ndërhyrë edhe policia. Hetuesit kanë kryer të gjitha konstatimet e rastit për të rindërtuar dinamikën e saktë të ngjarjes dhe për të konstatuar çdo përgjegjësi.

aksident ne itali humb jeten shqiptari

Sondazh

Poll

MË SHUMË