Sipas Berishës, nuk ka një vend të dytë në botë të shumëzojë me zero në këtë mënyrë sektorin që kontribuon me 20 përqind të prodhimit të brendshëm dhe që mban 40 përqind të popullatës.
TIRANË- Kryedemokrati Sali Berisha, në një konferencë për mediat, ka folur në lidhje me diskutimet që po bëhen mbi buxhetin 2025. Në fjalën e tij, Berisha u shpreh se buxheti 2025 është buxheti i vjedhjes më të madhe në histori, ndërsa shtoi se përjashtohen nga përfitimet buxhetore nga qeverisja aktuale 40 përqind e popullatës që merren me bujqësi.
Sipas Berishës, nuk ka një vend të dytë në botë të shumëzojë me zero në këtë mënyrë sektorin që kontribuon me 20 përqind të prodhimit të brendshëm dhe që mban 40 përqind të popullatës.
"Mirëdita.
Një përshëndetje të veçantë gazetarëve të pranishëm dhe përshëndetje të përzemërt qytetarëve që ndjekin këtë konferencë shtypi. Përsëri jemi në periudhën e diskutimit të buxhetit dhe për PD, shtyllë themelore e programit të saj do jetë ekonomia. Në këtë kuadër, ne kemi denoncuar këtë buxhet si buxhetin e vjedhjes më të madhe në histori.
Si buxhet që rritjen ekonomike e bazon në drogë, në kullat e korrupsionit dhe drogës, kurse të ardhurat i shndërron në parajsë për shqiptarët.
Sot unë jam për të denoncuar përjashtimin pothuajse të plotë, pothuaj në shkallë ekstreme të 40 përqind të popullatës shqiptare që jeton në fshat nga përfitimet buxhetore që janë kushtetuese dhe ligjore. Përjashtimin e një sektori që kontribuon në prodhimin e brendshëm me rreth 20 përqind të tij.
Për bujqësinë, me të cilën mbahen pra 40 përqind e popullatës, e cila kontribuon në rreth 20 përqind të prodhimit të brendshëm, buxheti i këtij viti parashikon në mënyrën më absurde gjithsej 40 milionë euro. Gjithsej më pak se një të dyqindtën e buxhetit prej 8.8 miliardë euro. Gjithsej më pak se një të gjashtëqindtën e prodhimit të brendshëm të vendit.
Nuk ka një vend të dytë në botë të shumëzojë me zero në këtë mënyrë sektorin që kontribuon me 20 përqind të prodhimit të brendshëm dhe që mban 40 përqind të popullatës, ta përjashtojë në këtë mënyrë shkatërrimtare.
Në këtë mënyrë të qëllimshme, që të nxisë me të gjitha mënyrat rrënimin e prodhimit bujqësor, blegtoral, rritjen e çmimeve në treg të prodhimeve bujqësore dhe blegtorale, largimin masiv të familjeve nga fshati për në vende të tjera.
Falimentimin e fermave të tyre. 40 milionë euro të caktuara janë 4 gjer në 8 herë më pak se sa subvencionet që quhet në vendet e rajonit. Kjo i bën tërësisht jokompetitivë në çmime, krahasuar me fermerët e rajonit, nuk po flas për të Greqisë që marrin subvencion edhe 20 herë më shumë se fermerët në Shqipëri", është shprehur Berisha.
ardian leka, ilir rrapaj TIRANË- Në seancën e Komisionit Hetimor për Koncesionet në Shëndetësi po jep dëshminë...
Sali Berisha TIRANA- Kreu i Partisë Demokratike, Sali Berisha tha sot në një konferencë për shtyp se në vend që...
petro koci TIRANË- Mbledhja e Komisionit Hetimor për Koncesionet në Shëndetësi është zhvilluar me debate lidhur me list&...
Komisioni TIRANA- Përfaqësuesja e ILD-së, Dëshira Pasko, raportoi sot në Komisionin për Çështjet Ligjore. Aj...
takimi TIRANË- Gjatë seancës së Komisionit Hetimor për Koncesionet në Shëndetësi, kryetarja e Komisionit, Albana Vo...
Emis Çërava TIRANA- Komisioni për Çështjet Ligjore, Administratën Publike dhe të Drejtat u mblodh sot për ...
albana vokshi TIRANË- Biznesmeni Ilir Rrapaj, i cili mbërriti pranë kryesisë së Kuvendit me pranga në duar dhe i shoqër...
Komisioni TIRANA- Vijojnë debatet në Komisionin Hetimor për koncesionet në Shëndetësi lidhur me mosparaqitjen e dës...
plarent ndreca TIRANË- Seanca e sotme e Komisionit Hetimor për Koncesionet në Shëndetësi është zhvilluar me debate, ku s...
Ulsi Manja TIRANA- Dhjetë vjet më parë, Isuf Kërçiku vendosi të shpërngulej nga Kamza e zhurmshme drejt...