Politike

Ilir Rrapaj pritet të dëshmojë te "Shëndetësia"/ "Nëse doni ta takoni, shkoni takojeni në burg", Vokshi: Vullnet Sina ka gjysëm ore që është ulur pranë dëshmitarit

Teksa deputetja e PD-së po fliste, Sina hyri në sallën e Komisionit. Vokshi i kërkoi të dilte nga Komisioni dhe mos ta takonte biznesmenin e thirrur për të dëshmuar. 

11 Nëntor 2024, 11:27 Nga r.ll
Ilir Rrapaj pritet të dëshmojë te
albana vokshi

TIRANË- Biznesmeni Ilir Rrapaj, i cili mbërriti pranë kryesisë së Kuvendit me pranga në duar dhe i shoqëruar me forca policie pritet të dëshmojë në Komisionin Hetimor të Koncesioneve në Shëndetësi. 

Kryetarja e Komisionit, Albana Vokshi tha se deputeti socialist Vullnet Sina, kishte takuar dëshmitarin, ndërsa kërkoi që ai të largohet nga Rrapaj. Vokshi tha se ky takim nuk lejohet dhe i bëri thirrje Sinajt që mos të ndikojë në dëshminë e biznesmenit.  

"Kam informacione se Vullnet Sina ka gjysëm ore që është ulur pranë dëshmitarit. Ju lutem kërkoni të largohet. As mos ta ndikojë as mos ta intimidojë. Ka një arsye pse dëshmitari është në arrest në burg. Kjo nuk lejohet. Nëse doni ta takoni, shkoni takojeni në burg.", tha Vokshi. 

Teksa deputetja e PD-së po fliste, Sina hyri në sallën e Komisionit. Vokshi i kërkoi të dilte nga Komisioni dhe mos ta takonte biznesmenin e thirrur për të dëshmuar. 

"Sinaj ju lutem nuk keni punë me dëshmitarin, shkoni në burg takojeni, jo këtu. Nuk futeni dot në Komision. Dilni nga Komisioni dhe mos takoni personin dëshmitar. Ju ka organizuar Edi Rama, kaq shumë po shqetësoheni nga dëgjesat e sotme.", u shpreh Vokshi.

albana vokshi ilir rrapaj vullnet sina

Sondazh

Poll