Aktualitet

Kapen me 40 kg kokainë me vlerë 3 mln euro, arrestohen 3 shqiptarë në Itali

Mediat italiane raportojnë se një ngarkesë prej 40 kilogramësh drogë, e ndarë në 36 pako, me vlerë tregu rreth 3 milionë euro sipas hetuesve, është sekuestruar në portin e Livornos në Itali nga Policia Financiare dhe doganat e Agjencisë së të Ardhurave.

31 Tetor 2024, 13:51 Nga ZH.LL

Kapen me 40 kg kokainë me vlerë 3 mln euro, arrestohen 3

ITALIA- 3 shqiptarë janë arrestuar në Itali, pasi akuzohen për trafikim të lëndëve narkotike. Mediat italiane raportojnë se një ngarkesë prej 40 kilogramësh drogë, e ndarë në 36 pako, me vlerë tregu rreth 3 milionë euro sipas hetuesve, është sekuestruar në portin e Livornos në Itali nga Policia Financiare dhe doganat e Agjencisë së të Ardhurave.

Tre persona janë arrestuar dhe sipas asaj që mësohet bëhet fjalë për shtetas shqiptarë të zbuluar nga financierët dhe stafi i ADM-së teksa po përpiqeshin të kapnin lëndën narkotike nga një kontejner, i cili mbërriti nga Ekuadori, pasi kishte hyrë ilegalisht në zonën e portit.

Të tre janë ndaluar nga financuesit e grupit të Livornos dhe nga punonjësit e departamentit kundër mashtrimit të zyrës doganore gjatë aktivitetit të zakonshëm të kontrollit dhe mbikëqyrjes doganore në zonat doganore. Ata kishin hyrë natën në zonën e portit. Lënda narkotike, pasi të jetë marrë dhe analizuar nga laboratori ADM, do të asgjësohet në një incenerator.

 

italia livorno arretohen 3 shqiptare

Sondazh

Poll

MË SHUMË