Aktualitet

Avokatët kërkuan kohë për të përgatitur konkluzionet me shkrim që do t’i bashkëngjiten shkaqeve të ankimit, shtyhet seanca për inceneratorin e Fierit

Mësohet se dëshmitarët e thirrur për të dëshmuar ishin ekonomistët Ueda Hajrullai dhe Anela Shkurti, inxhinierët Ilirjan Priftaj dhe Perika Totojani, si dhe Enid Ndine, ndërtues kantieri. Gjithashtu, dëshmoi edhe shoferi Endri Kolaci dhe Alba Thoma, zyrtare në Ministrinë e Mjedisit.

31 Tetor 2024, 13:54 Nga M.B
Avokatët kërkuan kohë për të përgatitur
Foto ilustruese

TIRANA- Në Gjykatën e Posaçme të Apelit u zhvillua sot seanca e radhës për inceneratorin e Fierit, ku u pyetën 7 dëshmitarë pas kërkesës së prokurorit. Mësohet se dëshmitarët e thirrur për të dëshmuar ishin ekonomistët Ueda Hajrullai dhe Anela Shkurti, inxhinierët Ilirjan Priftaj dhe Perika Totojani, si dhe Enid Ndine, ndërtues kantieri. Gjithashtu, dëshmoi edhe shoferi Endri Kolaci dhe Alba Thoma, zyrtare në Ministrinë e Mjedisit.

Ndërkohë, për shkak të mungesës së Elton Buallit, i cili nuk u paraqit, si dhe faktit që Arjola Kodra nuk dha pëlqimin për t’u pyetur, seanca u zhvillua pa këta dëshmitarë. Gjithashtu mësohet se avokatët kërkuan kohë për të përgatitur konkluzionet me shkrim të cilat do t’i bashkëngjiten shkaqeve të ankimit. Seanca e radhë u shty për më datë 14 nëntor, në orën 10:00.

inceneratori

Sondazh

Poll