Politike

Tensionet në Kuvend, Gonzato: Opozita të angazhohet, qeveria të jetë gjithëpërfshirëse

I pyetur a ndikon situata aktuale në Kuvendin e Shqipërisë, në procesin e integrimit në BE, ambasadori tha që për Brukselin është e rëndësishme që në diskutime për reformat e caktuara të përfaqësohen të gjitha pikëpamjet.

30 Tetor 2024, 21:22 Nga r.ll
Tensionet në Kuvend, Gonzato: Opozita të angazhohet, qeveria të
silvio gonzato

TIRANË- Ambasadori i Bashkimit Europian në Tiranë, Silvio Gonzato ka treguar mbrëmjen e sotme bisedat me opozitën dhe maxhorancën lidhur me tensionet aktuale në jetën politike në vend. 

I pyetur a ndikon situata aktuale në Kuvendin e Shqipërisë, në procesin e integrimit në BE, ambasadori tha që për Brukselin është e rëndësishme që në diskutime për reformat e caktuara të përfaqësohen të gjitha pikëpamjet.

"Arsyeja pse i lejova vetes të komentoja për marrëdhëniet mes forcave politike në Shqipëri është pikërisht kjo. Sepse procesi i anëtarësimit, siç e them shumë shpesh, nuk është një proces teknokratik. Nuk është diçka që negociohet nga ekspertët në Bruksel. Është një ndryshim shoqëror. Kërkon realisht reforma thelbësore. Kjo është arsyeja pse e quajmë këtë grup kapitujsh “themeloret”, sepse ka të bëjë vërtet me themelet e shoqërisë. Dhe për mua, por jo vetëm për mua, për Brukselin, është e rëndësishme që kur diskutoni për këto reforma të gjitha pikëpamjet të përfaqësohen, të gjitha pikëpamjet të diskutohen në tryezë.

Pra, mungesa e opozitës është vërtet problem. Dhe kjo është diçka që e kam diskutuar disa herë, edhe me disa përfaqësues të opozitës, duke u bërë thirrje që të angazhohen dhe të jenë pjesë e diskutimit, sepse duhet t’i kemi. I kam thënë edhe qeverisë se duhet të jenë gjithëpërfshirëse dhe transparente. Ata duhet të sigurohen që ky proces të jetë në pronësi jo vetëm të qeverisë apo të shumicës, por të të gjithëve, të të gjitha forcave politike dhe të shoqërisë civile, biznesit dhe gjithë aktorëve të shoqërisë shqiptare.", tha Gonzato në intervistën për Top Channel. 

silvio gonzato

Sondazh

Poll