Politike

"Zbrazën Shqipërinë më shumë se çdo pushtim"/ Berisha-diasporës: U tregoni vendin narko-politikanëve që ju përzunë nga vendi

Berisha u bëri thirrje shqiptarëvë nëpër botë që ti tregojnë vendin armiqëve të egër që në 8 vite përzunë nga Shqipëria 34% të shqiptarëve.

20 Tetor 2024, 20:36 Nga N.F
"Zbrazën Shqipërinë më shumë se çdo
Berisha

TIRANË-Kreu i Partisë Demokratike, Sali Berisha ka mbajtur mbrëmjen e sotme fjalën e tij para mbështetësve të mbledhur poshtë banesës së tij. Berisha u bëri thirrje shqiptarëvë nëpër botë që ti tregojnë vendin armiqëve të egër që në 8 vite përzunë nga Shqipëria 34% të shqiptarëve.

Sipas Berishës ata zrazën dhe boshatisën Shqipërinë më shumë se çdo pushtim tjetër në tërë historinë e Shqipërisë. Ai theksoi se rrugët në vendet ku shqiptarët jetojnë ndërtohen me kosto 10 herë më të ulët se në Shqipëri. Berisha shtoi se kjo nuk ndodh kurrë në ato vende që qytetari të paguajë për turistin 240 euro nga taksat që paguan shteti, kurse turisti të paguajë me taksat e qytetarit 4 euro për frymë.

Fjala e Berishës:

Qytetarë dhe qytetare kudo që jeni në Shqipëri dhe në çdo vend, në çdo qytet dhe kryeqytet të Europës dhe të botës u tregoni vendin këtyre armiqëve të egër të Shqipërisë që ju përzunë ju nga vendi. U tregoni vendin këtyre narko-politikanëve, që në 8 vite përzunë nga Shqipëria 34% të shqiptarëve.

E zbrazën dhe boshatisën Shqipërinë më shumë se çdo pushtim tjetër në tërë historinë e saj. Atje ku ju jetoni, të dashur qytetare dhe qytetarë shqiptarë, qytetarët votojnë të lirë, vota e tyre numërohet dhe peshon, drejtësia nuk përdoret si vegël plitike në duart e kriminelëve në qeveri.

Pasuritë publike, fondet publike shndërrohen në mirësi për qytetarët, dhe jo në parajsë për hajdutët qeveritarë. Drejtimi pra, atje është krejt tjetër. Rrugët në vendet tuaja ndërtohen me kosto 10 herë më të ulët se në Shqipëri. Nuk ndodh kurrë në ato vende që qytetari të paguajë për turistin 240 euro nga taksat që paguan shteti, kurse turisti të paguajë me taksat e qytetarit 4 euro për frymë.

Ky është një shfrytëzim më i egër se çdo shfrytëzim kolonial. Dhe këtu turistët, jo se vijnë për të shfrytëzuar, por se shpenzimet e tyre i vjedhin qytetarët, i vjedhin narko-trafikantët, i vjedhin oligarkët, nuk vijnë tek qyytetarët.

berisha rama diaspora

Sondazh

Poll

MË SHUMË