Mitsotakis bëri thirrje që BE të rrisë emigracionin legal paralelisht me përpjekjet për të frenuar hyrjet e parregullta, pasi sipas tij Greqia ka një nevojë kritike për punëtorë të kualifikuar dhe të pakualifikuar.
GREQI- Kryeministri grek, Kyriakos Mitsotakis është shprehur skeptik ndaj thirrjeve për përhapjen e modelit Itali-Shqipëri në të gjithë bllokun. Ai u shpreh se marrëveshja Itali-Shqipëri për emigrantët, nuk mund të përsëritet për të gjithë bllokun.
Presidentja e Komisionit Evropian, Von der Leyen dy ditë më parë në një letër dërguar liderëve të BE-së përpara mbledhjes së Këshillit Evropian më 17-18 tetor, kërkoi krijimin e qendrave të ngjashme të emigrantëve, si ato të marrëveshjes mes Italisë dhe Shqipërisë. Mitsotakis ka paralajmëruar se është kundër propozimeve për të transferuar politikën e BE-së për azilin tek vendet jashtë bllokut në fillim të një samiti të liderëve në Bruksel, ku emigracioni do të dominojë diskutimet.
“Më lejoni të jem i kujdesshëm këtu. Ky është një marrëveshje dypalëshe. Nuk e di nëse mund të përsëritet në nivel evropian. Ne gjithashtu duhet të shohim nëse funksionon vërtet. Këta persona procedohen sipas legjislacionit italian të azilit dhe çfarëdo që të ndodhë me ta, në një mënyrë apo tjetër do të kthehen në Itali. Nëse do ta bënim këtë në nivel evropian. . . ku do të shkonin?”, deklaroi kryeministri grek për Financial Times.
Mitsotakis bëri thirrje që BE të rrisë emigracionin legal paralelisht me përpjekjet për të frenuar hyrjet e parregullta, pasi sipas tij Greqia ka një nevojë kritike për punëtorë të kualifikuar dhe të pakualifikuar.
“Nëse doni të ndërtoni një gardh të madh, ju duhet gjithashtu një derë e madhe. Kush do të na mbledhë ullinjtë? Ne jemi një kontinent që po zvogëlohet dhe të gjithë e kuptojmë se për të ruajtur produktivitetin tonë, do të kemi nevojë për punë, të pakualifikuar ose të kualifikuar”, tha kryeministri grek.
Mitsotakis tha se Greqia kishte shpëtuar mijëra njerëz në det dhe i bëri thirrje Brukselit të dyfishojë përpjekjet për të rritur numrin e emigrantëve të dështuar që deportohen, i cili aktualisht është 20 për qind.
“Ka njerëz që u refuzohen kërkesat për azil. . . dhe çfarë të bëjmë me ato nuk ka qenë kurrë një temë diskutimi. Disa nga idetë që janë sugjeruar më duken interesante. Por unë mendoj se jemi ende në fazat e hershme për të dalë me një propozim konkret”, tha Mitsotakis.
yahya sinwar SHBA- Presidenti i SHBA-së Joe Biden tha se ai do të diskutojë përfundimin një herë e mirë të luft&eum...
Takimi ITALI- Kryeministrja italiane, Giorgia Meloni prezantoi këtë të enjte në Bruksel, marrëveshjen që qeveria e saj ka arr...
christine lagarde SHBA- Presidentja e Bankës Qendrore Evropiane, Christine Lagarde ka paralajmëruar se një presidencë e dytë e Don...
Foto ilustruese SHBA- Të gjithë amerikanët kanë mundësi të thonë fjalën e tyre në zgjedhjet e vitit 2024. Por,...
benjamin netanyahu IZRAEL- Kryeministri izraelit, Benjamin Netanyahu, deklaroi se “e keqja ka marrë një goditje të rëndë,&r...
Foto ilustruese SHBA- Shtetet e Bashkuara kanë vendosur sanksione ndaj dy kompanive kineze dhe një kompanie ruse për përfshirjen në...
fotot ilustruese IZRAEL- Sekretari i mbrojtjes i Mbretërisë së Bashkuar tha se nuk do të mbaj zi për vdekjen e Sinwar nëse ko...
Yahya Sinwar IZRAEL- Ministri i Jashtëm izraelit, Israel Katz, konfirmoi se Yahya Sinwar u vra nga ushtarët e IDF. Në një mesazh pë...
yahya sinwar SHBA- Izraeli u ka konfirmuar zyrtarëve amerikanë se lideri i Hamasit, Yahya Sinwar, ka vdekur sipas testeve fillestare të ADN-...
Yahya Shinwar SHBA- Zyratrët amerikanë thanë se misioni për të vrarë liderin e Hamasit, Yahya Shinwar u zhvillua dje. P...