Politike

U operua për hernie inguinale, Rama kalon natën në QSUT

Ndërhyrja u krye nga të njejtët mjekë të cilët kryen edhe operacionin në muajin prill, kur Rama hoqi apendesitin.

4 Tetor 2024, 08:15 Nga M.B
U operua për hernie inguinale, Rama kalon natën në QSUT
Rama me mjekët

TIRANA- Kryeministri Edi Rama ka kaluar natën në Qendrën Spitalore “Nënën Tereza”, pas ndërhyrjes kirurgjikale të hernies inguinale të kryer ditën e djeshme. Ndërhyrja u krye nga të njejtët mjekë të cilët kryen edhe operacionin në muajin prill, kur Rama hoqi apendesitin.

Grupi drejtohej nga rektori i Universitetit të Mjekësisë, Arben Gjata, por ku morën pjesë dhe mjekët e tjerë si kirurgu Arben Beqiri, shefi i anestezi-reanimacionit Krenar Lila, kirurgu Dritan Rahovica dhe anestezist Saimir Kuçi.

Rama e kishte paralajmëruar më herët se do të kryente ndërhyrje, kur mori pjesë në hapjen e spitalit ditor brenda QSUT-së.

“Unë mund të flas dhe si pacient dhe mund të vij prapë për një tjetër ndërhyrje. Kam një hernie inguinale që i kam mësuar dhe emrin, se kësaj diskales nuk kërkoj mjekë sepse punoj me forcat e mia, me streç dhe vetëpërmbatje para ushqimit që mos të rëndoj kolonën e lodhur nga basketbolli. Inguinales nuk i bëj dot derman dhe me shumë kënaqësi do të vij”, deklaroi aso kohe Rama.

edi rama

Sondazh

Poll

MË SHUMË