Sport

Ter Stegen nuk dorëzohet: “Ndihem i fortë, tani do fokusohem te rikuperimi”...

Një ndryshimi i bujshëm mund të bëhet realitet pasi orët e fundit, pas dëmtimit të Ter Stegenit

25 Shtator 2024, 08:00 Nga DOSJA

Ter Stegen nuk dorëzohet: “Ndihem i fortë, tani do fokusohem te

SPANJE - Marc-André ter Stegen ka thyer heshtjen. Në minutat e fundit, portieri gjerman i Barcelonës publikoi mesazhin e tij të parë në rrjetet sociale, pas dëmtimit të rëndë të gjurit që pësoi në ndeshjen e tij të fundit në ligë kundër Villarrealit, i cili e detyroi atë të operohej.

Pas përfundimit me sukses të operacionit, lojtari tani mendon vetëm për rikuperimin e plotë për t'u rikthyer sa më shpejt në radhët e Hansi Flick. Madje ai nuk ka munguar as t'i përgjigjet gjithë mbështetjes që ka marrë ditët e fundit, duke dërguar një mesazh shprese për fansat.

Mesazhi i Ter Stegen
"Unë jam vërtet mirënjohës për të gjithë tifozët e Barçës, shokët e skuadrës, rivalët, klubet dhe miqtë për mbështetjen dhe dashurinë që më keni treguar që nga e diela. Dua të falënderoj tifozët e Villarrealit për respektin e treguar në stadium, gjë që do të thotë shumë për mua. Ndihem pozitiv dhe i fortë, tani do të përqendrohem te shërimi im!”,- u përhapën fjalët në rrjetet sociale.

View this post on Instagram

A post shared by Marc ter Stegen (@mterstegen1)

Zëvendësimi i mundshëm i Szczesny?
Do të ishte e pabesueshme duke pasur parasysh tërheqjen e tij të paralajmëruar më pak se një muaj më parë, por Szczesny në fakt po konsideron mundësinë e kthimit në lojë. Ndryshimi i bujshëm mund të bëhet realitet pasi orët e fundit, pas dëmtimit të Ter Stegenit dhe nokautit deri në fund të sezonit, Barcelona nisi për të gjetur sa më parë një zëvendësues të përshtatshëm.

Dhe siç raporton portali polak 'Meczyky', është zbuluar një kontakt mes Barcelonës dhe Szczesny, edhe pse për momentin nuk ka pasur asnjë qëllim nga ana e portierit polak për t'u transferuar në Katalonjë. Ai thjesht kërkoi pak kohë për të menduar dhe më pas për të komunikuar vendimin e tij.

B.T (Dosja.al)