BRUKSEL- Komisionerja e Këshillit të Europës për të drejtat e Njeriut, Dunja Mijatoviç ka komentuar projektligjet e Paketës Anti-shpifje, që do të votohen të mërkurën në Kuvend. Mijatoviç thotë prerë se dy ligjet e shumë-debatuara nga komuniteti i gazetarëve bien ndesh me lirinë e shprehjes. “Jam shumë e shqetësuar të mësoj se këtë javë Parlamenti shqiptar vazhdoi me shqyrtimin e dy projekt-ligjeve, të njohura si “paketa anti-shpifje”. Këto ligje kanë nevojë urgjente për përmirësim. Disa dispozita nuk janë në përputhje me standardet ndërkombëtare dhe evropiane për të drejtat e njeriut që mbrojnë lirinë e shprehjes dhe lirinë e medieve”, thuhet në reagimin e Mijatoviç në mediat sociale.
Më tej, ajo thotë se është tejet shqetësues fakti, sesi një faqe interneti mund të bllokohet pa vendim gjykate. “Unë jam veçanërisht e shqetësuar që kompetencat diskrecionale që u janë dhënë organeve rregullatore, mundësia e vendosjes së gjobave të tepërta dhe bllokimi i faqeve të internetit të mediave pa një vendim gjyqësor, si dhe prezantimi i rregullimit shtetëror të mediave në internet, mund të sjellin një goditje të fortë për lirinë e shprehjes dhe liria e mediave në vend”, sqaron Mijatoviç.
Komisionerja thotë, se është vetë-rregullimi ajo që ka rëndësi për Këshillin e Europës. “Prandaj, i bëj thirrje anëtarëve të Parlamentit të Shqipërisë që të rishikojnë draftet aktuale dhe t’i bëjnë ato në përputhje me praktikën gjyqësore të Gjykatës Evropiane të të Drejtave të Njeriut dhe standardeve të Këshillit të Evropës”, mbyllet deklarata e Dunja Mijatović.
Deklarata e Mijatoviç është një shuplakë ndaj qeverisë shqiptare dhe kryeministrit Edi Rama, i cili edhe dje nuk u tërhoq nga qendrimi i tij, se portalet duhet të jenë nën kontrollin e AMA-s për të parandaluar shpifjet. Komisioni i Ligjeve, miratoi dje në parim paketën e cila do të kalojë në Kuvend më 18 dhjetor, me disa ndryshime të papërfillshme, siç është përzgjedhja përmes konkurrimit, e Bordit të Ankesave, një këshill i cili do të ketë fuqi për të gjobitur dhe mbyllur portalet.
Ndërkohë që tek “Media”, anëtarët vendosën të ulnin gjobën për portalet në maksimumi 4 milionë lekë të vjetra, por socialistët nuk tërhiqen nga ekzekutimi i gjobës para vendimit të gjykatës. Është kjo një nga pikat më të nxehta të paketës anti-shpifje, e njoftuar prej 2 vitesh nga Rama, me arsyetimin se mediat online duhet të funksionojnë në bazë të rregullave. Komuniteti i gazetarëve, intelektualëve dhe organizatat në mbrojtje të të drejtave të njeriut, kanë dalë kundër draftit duke organizuar edhe një protestë, pasi sipas tyre bie në kundërshtim me Konventën për të Drejtat e Njeriut. Me këtë paketë, Shqipëria bëhet vendi i parë në Evropë që gjobit gazetarët me vendime administrative, dhe i jep fuqi të plotë AMA-s, si një gjykatë për mediat.
(F.g./dosja.al)
Tirana është boshatisur për ditët e pushimit. Cilën nga ritet e shenjta po ndiqni:
DURRËS- Kryeministri Edi Rama ka zhvilluar ditën e sotme takime me të prekurit nga tërmeti në zonën e Durrësit. Nuk ka munguar edhe një debat mes tij dhe n...
TIRANË- Presidenti i Republikës, Ilir Meta, kërkon transparencë për menaxhimin e fondeve për rindërtimin e zonave të prekura nga tërmeti i 26 nëntorit. Në ...
DURRËS– Kryeministri Edi Rama ka shkuar mëngjesin e sotëm në Durrës, tek banorët e prekur nga tërmeti të strehuar në komplekset turistike “Aler” dhe “Fafa”...
SUEDI- Eurodeputeti David Lega, ka reaguar sot kundër dy ligjeve për median, që njihen si paketa anti-shpifje. Në një reagim në Facebook, anëtari i Komitetit të...
Lezhë- Ditën e sotme Këshilli Bashkiak i Lezhës ka miratuar bonusin e qerasë për 160 familjet e dëmtuara nga tërmeti i fuqishëm i 26 nëntorit. Në mbledhjen e Kë...
DURRËS– Kryeministri Edi Rama ka shkuar në kompleksin “Fafa”, ku edhe ka takuar banorët e prekur nga tërmeti i 26 nëntorit që shkaktoi 51 viktîma. Gjatë vi...
Tiranë- Kryetari i Partisë Demoraktike Lulzim Basha së fundmi ka zhvilluar një takim me Drejtorin Rajonal për Evropë, në Institutin Ndërkombëtar Republikan, Pau...
TIRANË– Kryeministri Edi Rama ka nisur ditën me një thënie për Zotin, duke shpërndarë një thënie të shkrimtarit të njohur Albert Kamy.“Më mirë të jetoj sik...
TIRANË– Zëvendëskryeministri Erion Braçe i është përgjigjur deklaratave të drejtorit ekzekutiv të Këshillit Shqiptar të Medias, Koloreto Cukal...
TIRANË– Kryeministri Edi Rama ditët e fundit ka vizituar familje të ndryshme të cilat kanë humbur banesa dhe të afërmit e tyre për shkak të tërmetit tragji...