Aktualitet

Atentati në Don Bosko/ Itinerari që ndoqën autorët, jashtë lokalit pritën 30 minuta për t'i qëlluar

Pasi i kanë vështruar dhe ruajtur mirë, autorët kanë lëvizur me mjet për të siguruar që shënjestra ndodhej në verandën e lokalit.

5 Shtator 2024, 11:41 Nga I.A
Atentati në Don Bosko/ Itinerari që ndoqën autorët,
Kastriot Elezi dhe Ronaldo Metushi

TIRANË- Itinerari i autorëve të atentatit ndaj Kastriot Elezit dhe Ronaldo Metushit, është zbardhur ditën e sotme. Mësohet se autorët kanë ndjekur prej ditësh lëvizjet e Elezit dhe në ditën e atentatit, ata kanë pritur30 minuta jashtë lokalit me makinë të parkuar.

Teksa autorët prisnin në makinë, të plagosurit janë ulur në verandën e lokalit. Pasi i kanë vështruar dhe ruajtur mirë, autorët kanë lëvizur me mjet për të siguruar që shënjestra ndodhej në verandën e lokalit. Më pas vetëm kaq u ka mjaftuar dhe kanë shkuar memakinë përball lokalit, ku dhe kanë qëlluar me armë tip pistoletë drejt të plagosurve. 

Pasi janë bindur që i kanë qëlluar, autorët me makinën tip 'Golf 5' ngjyrë gri janë larguar nga aty me shpejtësi. Sipas kamerave të sigurisë, autorët kanë ardhur nga Kamza duke kaluar te liqeni i Paskuqanit. Më pas janë afruar në Bulevardin e Ri dhe janë futur në Don Bosko.  

Por të njejtën rrugë kanë ndjekur për tu larguar nga vendngjarja. Teksa kalon Kamzën, autorët kanë djegur makinën në Qerekë.

kastriot elezi ronaldo metushi plagosje ne don b

Sondazh

Poll

MË SHUMË