Politike

Rama me kryetarët e Bashkive: Do përfshiheni në procesin e legalizimit, ka qënë për të dëshiruar deri më tani

Gjatë fjalës së tij, Rama ka deklaruar se procesi i legalizmit ka lënë për të dëshiruar deri më tani, në krahasim me regjistrimin e pronave në Kadastër.

17 Korrik 2024, 11:21 Nga I.A
Rama me kryetarët e Bashkive: Do përfshiheni në procesin e
Edi Rama

TIRANË- Kryeministri Edi Rama ka mbledhur kryetarët e Bashkive ditën e sotme në Tiranë, për procesin e legalizimit të banesave. Gjatë fjalës së tij, Rama ka deklaruar se procesi i legalizmit ka lënë për të dëshiruar deri më tani, në krahasim me regjistrimin e pronave në Kadastër. Rama ka shtuar se për këtë arsye është vendosur që Bashkitë të përfshihen në këtë proces. Sipas Ramës, ky lloj sistemi do të hyjë në fuqi në shtator dhe do të krijohet një mekanizëm transparence. 

“E domosdoshme si rezultat i faktit që ndërkohë që me pjesën e regjistrimeve të pronave në Kadastër kemi një ecuri pozitive,  në legalizimet nuk mund të thuhet e njëjta gjë. Për këto arsye, është vendosur që bashkitë të përfshihen në proces. Përfshirja ka një rëndësi dhe dobi sipas nesh të posaçme për faktin që jo vetëm do të shtojë forcat për të mbështetur dhe zgjidhur problemin e legalizimit për qytetarët por edhe do të shërbejë për të bërë monitorimin e punës në Kadastër, që në në sektorin e legalizimeve lë për të dëshiruar. Në këtë kontest, së pari, janë bashkitë që do të vendosin prioritetet dhe do të përcaktojnë ritmin e planit të punës të zyrës së punës të legalizimit. Procesi do të udhëhiqet prej jush me një staf të dedikuar që do të krijoni deri në shtator, kur ky proces do të fillojë. Nëpërmjet këtij sistemi për të krijuar një mekanizëm transparence dhe llogaridhënie mes palëve”, tha Rama.

 

edi rama rama me kryetaret e bashkive

Sondazh

Poll

MË SHUMË