Bota

Ndalimi i zv.drejtorit të Policisë së Kosovës nga Serbia, Hovenier: Jemi të shqetësuar, shpresojmë të lirohet shpejt!

Hovenier gjatë fjalës së tij u shpreh se janë të shqetësuar. Ai më tej shtoi se ambasada e njeh mirë rolin që Jankoviç ka luajtur në Policinë e Kosovës dhe se e njohin mundin e tij për integrimin e komunitetit serb në polici.

18 Prill 2024, 13:43 Nga N.F
Ndalimi i zv.drejtorit të Policisë së Kosovës nga Serbia,
Jeff Hovenier

KOSOVË- Ambasadori amerikan në Kosovë, Jeff Hovenier ka reaguar në lidhje me mbajten në paraburgim të zëvendësdrejtorit të Policisë së Kosovës, Dejan Jankoviç në Serbi. Hovenier gjatë fjalës së tij u shpreh se janë të shqetësuar. Ai më tej shtoi se ambasada e njeh mirë rolin që Jankoviç ka luajtur në Policinë e Kosovës dhe se e njohin mundin e tij për integrimin e komunitetit serb në polici.

“Jankoviç është i njohur mirë nga Ambasada Amerikane dhe shumë të tjerë. Ne jemi veçanërisht të shqetësuar. Ai është dikush që e njohim prej shumë vitesh, një serb etnik i Policisë së Kosovës që ka shpenzuar shumë energji dhe kohë në polici duke ndihmuar shumë në integrimin e komunitetit serb në Policinë e Kosovës.

Ai ka luajtur një rol të veçantë për të siguruar që ndjeshmëria e lidhur me komunitetin serb të jetë e adresuar nga Policia e Kosovës, si dhe ka luajtur rol për ruajtjen e trashëgimisë kulturore të Kosovë, përfshirë edhe monastiret ortodokse. Ne jemi të shqetësuar dhe shpresojmë që të lirohet shpejt”, tha Hovenier para gazetarëve.

Ministri i Punëve të Brendshme në Kosovë, Xhelal Sveçla tha Jankoviç është dërguar në paraburgim për 48 orë nga autoritetet e Serbisë. Ai më tej shtoi se Jankoviç është dërguar në paraburgim nën akuzën prishje të rendit kushtetues.

jeff hovenier kosova dejan jankoviç serbia

Sondazh

Poll

MË SHUMË