Bota

Ndalimi i zv.drejtorit të Policisë së Kosovës nga Serbia, Sveçla: Jankoviç është dërguar në paraburgim 48 orësh, akuzohet për prishje të rendit kushtetues

Sveçla gjatë fjalës së tij u shpreh se Jankoviç është dërguar në paraburgim për 48 orë nga autoritetet e Serbisë. Ai më tej shtoi se Jankoviç është dërguar në paraburgim nën akuzën prishje të rendit kushtetues.

18 Prill 2024, 13:12 Nga N.F
Ndalimi i zv.drejtorit të Policisë së Kosovës nga Serbia,
Xhelal Sveçla

KOSOVË- Ministri i Punëve të Brendshme në Kosovë, Xhelal Sveçla ka dalë në një deklaratë në lidhje me mbajtjen e zëvendësdrejtorit të Policisë së Kosovës, Dejan Jankoviç nga autoritet serbe. Sveçla gjatë fjalës së tij u shpreh se Jankoviç është dërguar në paraburgim për 48 orë nga autoritetet e Serbisë. Ai më tej shtoi se Jankoviç është dërguar në paraburgim nën akuzën prishje të rendit kushtetues.

“Gjatë ditës së djeshme është ndaluar edhe zëvendësdrejtori i PK-së, Dejan Jankoviç. Dhjetë pjesëtarë të policisë janë ndaluar, pesë janë liruar mbrëmë kurse 4 sot, dhe zv.drejtori vazhdon të jetë i arrestuar. Ai është dërguar dje në Rashkë për tu marrë në pyetje. Sipas informatave të fundit ai është dërguar në paraburgim 48 orësh me akuzën për prishje të rendit kushtetues”, tha Sveçla.

Ministri i brendshëm  shtoi se kjo akuzë është përmendur nga presidenti serb, Aleksandar Vuçiç gjatë vizitës që pati ditë më parë në njësitin ushtarak “Kobra”.

“Me arrestimin e zëvendësdrejtorit Jankoviç, Vuçiç dëshiron të dërgoj mesazh frike për serbët e Kosovës që janë të integruar ose do të integrohen në Policinë e Kosovës”, shtoi Sveçla.S

Ai kërkoi lirimin e menjëhershëm të zv.drejtorit dhe qytetarëve tjerë që po mbahen nga Serbia.

“Ka edhe qytetar që po mbahen të arrestuar, dhe kërkoj lirimin e tyre të menjëhershëm dhe kthimin e tyre në Kosovë. Ky veprim i Serbisë kërkon ndëshkim nga bashkësia ndërkombëtare”, theksoi Sveçla.

xhelal sveçla kosova serbia dejan jankoviç

Sondazh

Poll

MË SHUMË