Sport

“Është turp!”… Pochettino i zemëruar, pas ‘sherrit’ për penalltinë ndaj Evertonit (VD)

Pas fitores së skuadrës së tij ndaj Evertonit të hënën (6-0), Mauricio Pochettino u mërzit pas polemikës së "penallti-gate".

16 Prill 2024, 14:27 Nga DOSJA

“Është turp!”… Pochettino i zemëruar, pas

ANGLI - Fituesi i madh ndaj Evertonit (6-0) të hënën në fushën e tyre, Chelsea, pak e afroi veten në garën për vendet evropiane, ndërkohë që kishte diçka për të buzëqeshur. Por festa u prish disi nga një polemikë, kur u akordua një penallti për ‘blutë’, që po kryesonin 4-0.

Nicolas Jackson, Noni Madueke dhe Cole Palmer, garuan për topin dhe se cili prej tyre donte të ekzekutonte penalltinë. Tensioni mes tre lojtarëve u rrit dhe më në fund ishte Palmer, ai që u paraqit kundër Jordan Pickford dhe që e transformoi penalltinë për t'i ofruar vetes një ‘poker’ golash.

Një skenë surreale që padyshim nuk i ka pëlqyer teknikut londinez Mauricio Pochettino, i cili e bëri këtë të ditur pas ndeshjes: “Dua të theksoj se lojtarët dhe stafi e dinë që ekzekutuesi i penalltive është Cole Palmer. Është turp, është e papranueshme, jam shumë i mërzitur nga situata.

Nuk mund të sillemi kështu, u thashë lojtarëve që është hera e fundit që sillemi kështu. Nëse duam të jemi një skuadër e madhe, duhet të ndryshojmë dhe të mendojmë kolektivisht”,- argumentoi tekniku argjentinas në një konferencë për shtyp.

Nga ana e tij, Palmer i qetësoi gjërat në ‘Sky Sport A’: “Nuk është asgjë serioze. Ne qeshnim dhe bënim shaka për këtë (pas takimit)”. Ndërkohë, i riu anglez (21 vjeç) është golashënuesi më i mirë në Premier League, së bashku me Erling Haaland (20 gola).

B.T (Dosja.al)

Sondazh

Poll

MË SHUMË