Politike

"Nuk është marrëveshje me Federatën Ruse"/ Debat mes Bardhit dhe Majkos: Ju buroni nga partia simotër e tyre

Kreu i Grupit Parlamentar të PD-së, Gazment Bardhi kërkoi që për shqyrtimin e kësaj marrëveshje të jetë i pranishëm edhe ministri, të cilit tha se ka pyetje për t'i drejtuar. 

11 Prill 2024, 14:10 Nga r.ll
"Nuk është marrëveshje me Federatën Ruse"/ Debat
pandeli majko, gazment bardhi

TIRANË- Një marrëveshje me BE-në e cila ishte në rend dite të seancës së sotme ka ndezur sërish debat mes opozitës dhe mazhorancës. Kreu i Grupit Parlamentar të PD-së, Gazment Bardhi kërkoi që për shqyrtimin e kësaj marrëveshje të jetë i pranishëm edhe ministri, të cilit tha se ka pyetje për t'i drejtuar. 

Kryetarja e Kuvendit Lindita Nikolla tha se minstri ishte në një vizitë zyrtare jashtë vendit, dhe prandaj nuk mund të ishte i pranishëm. Në këtë debat ndërhyri dhe deputeti i PS-së, Pandeli Majko, i cili tha se bëhej fjalë për një marrëveshje me BE dhe jo me Federatën Ruse.

“Bëhet fjalë për një marrëveshje me BE, jo me Federatën Ruse që mund të keni pyetje sensitive”, iu drejtua Majko, Bardhit.

Ndërsa Bardhi ironizoi duke u shprehur: “Nëse do të ishte marrëveshje me Federatën Ruse do ju lejonim ju të bënit pyetje sepse ju keni traditë dhe marrëdhënie të kahershme me Rusinë, buroni nga partia simotër e kësaj federate”.

DEBATI:

Majko: Ajo që ngre përfaqësuesi i opozitës është e drejte por besoj më mirëkuptojnë kur them që bëhet fjalë për një marrëveshje me BE, jo me Federatën Ruse që mund të keni pyetje sensitive. Besoj do e keni mirëkuptimin që të na lejoni të vazhdojmë me seancën.

Bardhi: I nderuar koleg nëse do të ishte marrëveshje me Federatën Ruse do ju lejonim ju të bënit pyetje sepse ju keni traditë dhe marrëdhënie të kahershme me Rusinë, buroni nga partia simotër e kësaj federate. Ekzaktësisht ka të bëjë me BE, ne kemi pyetje duam të bëjmë pyetje në lidhje me marrëveshjen. Të vijë ministri, nëse është në një vizitë zyrtare kjo çështje të shqyrtohet seancën tjetër.

Tabaku: Një pyete për Spiropalin, si pjesë e aneksit për projektligjin parashikohet një skedulë pagesash, a janë marrë masa për këtë dhe sa shkon pagesa vjetore?

Spiropali: E kuptoj që Tabakun e ka marrë malli për ne dhe për zhvillimin normal të seancave, por ja ku jemi e dashur

Tabaku. E gjithë çështjen që ministri nuk e shpjegon dot këtu se është në takim zyrtar në Francë me kryeministrin. Nëse keni pyetje më të detajuara, do ju kthejmë përgjigje. Nuk besoj se pyetja juaj shtyhet nga kurioziteti i tepërt, nëse do kishit minimalisht për të dëgjuar mazhorancën, nuk do të ngriheshit në këmbët, s’do ti denigronin e fyenit, Bardhi dhe të gjithë ata që nxituan të hedhin gurë ndaj deputetet Xhaçka siç kanë bërë me muaj të tërë pa u ndaluar të kenë mundësinë e një reflektimi, jo vetëm për t’i dhënë shans deputetes për tu përgjigjur, por për respekt. Ejani ta bëjmë debatin dhe të flasim. Mos pretendoni se këtu ka munguar vëmendja jonë, nuk ka munguar për fjalët tuaja me shumë vlerë. 

 





gazment bardhi pandeli majko seance plenare 11 prill 2024

Sondazh

Poll

MË SHUMË