Sport

Thyhet Struga, por ruan gjithsesi kreun e klasifikimit!

Struga vijon të kryesojë me 54 pikë. Shkupi ndjek me tri pikë më pak, ndërkohë që Shkëndija renditet e treta me 49 pikë.

8 Prill 2024, 01:09 Nga DOSJA
Thyhet Struga, por ruan gjithsesi kreun e klasifikimit!

MAQEDONI E VERIUT - Humbasin Struga dhe Shkupi, ndërkohë që Shkëndija merr vetëm një pikë në javën e 26-të të kampionatit elitar të Maqedonisë së Veriut.

Kampionët në fuqi të Strugës, dolën pa pikë nga dueli në transfertë përballë Vardarit, me këta të fundit që fituan 1-0. Falë golit të Djuric në pjesën e dytë.

Shkupi nuk përfitoi për t’u afruar me kreun, duke humbur me të njëjtin rezultat me Breglanica Stip. Në barazim 1-1 u mbyll Makedonija GP-Shkëndija, takim që kuqezinjtë nga Tetova e luajtën me dhjetë lojtarë prej fundit të pjesës së parë.

Moment kur u ndëshkua me të kuq Krstevski. Endrit Krasniqi kishte kaluar Shkëndijën në avantazh në minutën e 23-të, por vendasit rikthyen baraspeshën 12 minuta më vonë me anë të Gilbertos.

Një pikë edhe për Voska Sport, skuadra tjetër shqiptare që garon në elitë. Ekipi nga Ohri e mbylli në barazim 1-1 ndeshjen shtëpiake kundër Rabotnickit. Struga vijon të kryesojë me 54 pikë. Shkupi ndjek me tri pikë më pak, ndërkohë që Shkëndija renditet e treta me 49 pikë.

B.T (Dosja.al)

Sondazh

Poll

MË SHUMË