Aktualitet

Gazetarët Profesionistë të Shqipërisë: Shprehim solidaritetin me Ambrozian, po bënte detyrën e vet

Teksa gazetarja po i drejtonte pyetje në lidhje me Portin e Durrësit, Rama nuk ka pranuar që të përgjigjet ndërkohë që në fund ka deklaruar se 'Injoranca nuk ka argument'. 

19 Mars 2024, 16:25 Nga r.ll
Gazetarët Profesionistë të Shqipërisë: Shprehim
ambrozia meta, edi rama

TIRANË- Shoqata Gazetarët Profesionistë të Shqipërisë kanë reaguar lidhur me incidentin në të cilin u përfshi gazetarja Ambrozia Meta me kryeministrin Edi Rama, gjatë një deklarate të tij për mediat.

Në deklaratën e shoqatës shprehet solidariteti i tyre me Ambrozian për të cilën thonë se po bënte detyrën e vet, duke i drejtuar pyetje kryeministrit për cështje të interesit publik.

Teksa gazetarja po i drejtonte pyetje në lidhje me Portin e Durrësit, Rama nuk ka pranuar që të përgjigjet ndërkohë që në fund ka deklaruar se 'Injoranca nuk ka argument'.  Po ashtu në këto momente, Rama teksa është larguar nga gazetarët, ka tentuar që të prek në fytyrë në mënyrë të papërshtatshme gazetaren, ndërkohë që kjo e fundit i ka kërkuar që të mos e bëj këtë gjë. 

DEKLARATE SOLIDARITETI ME GAZETAREN AMBROZIA META

Shoqata Gazetarët Profesionistë të Shqipërisë shpreh shqetësimin e thellë për intimidim fizik, që kryeministri Edi Rama i bëri gazetares Ambrozia Meta, të Syri TV, e cila i drejtoi një pyetje gjatë komunikimit të tij me mediat, lidhur me përfitimet publike të investimit të njoftuar tashmë në ishullin e Sazanit.

Gjesti i kryeministrit, që preku me dorë në fytyrë gazetaren, në refuzim të përgjigjes për pyetjen e saj, ishte cënim i qartë i integritetit fizik të gazetares, një sjellje anormale dhe e papranueshme në cdo lloj marrëdhënie profesionale.

Shoqata e Gazetarëve Profesionistë të Shqipërisë shpreh solidaritetin me kolegen Ambrozia Meta, e cila edhe më herët është përballur me sjellje intimiduese nga kryeministri, vetëm sepse bën detyrën e vet, i drejton pyetje kryeministrit për cështje të interesit publik.

Ndjesa publike është më e pakta që mund të bëjë kryeministri, bashkë me reflektimin, se respektimi i lirisë së medias e paprekshmëria e saj, bëjnë diferencën mes të qenit një shtet demokratik apo autokratik.

ambrozia meta edi rama

Sondazh

Poll

MË SHUMË