Aktualitet

Akuzohet për vjedhjen e 500 mijë eurove/ Pastruesja Dobi: Kërkoj mëshirë, lekët m'i dha vetë Alda Klosi që t'i mbaja në shtëpinë time

Po ashtu ajo ka deklaruar se ka punuar gjithë jetën me punë të ndershme, ndërkohë që tha se Klosi donte që të fajësonte bashkëshortin e saj për vjedhje.  

19 Mars 2024, 13:44 Nga I.A
Akuzohet për vjedhjen e 500 mijë eurove/ Pastruesja Dobi: Kërkoj
Rozeta Dobi

TIRANË- Pastruesja Rozeta Dobi, e cila akuzohet për vjedhjen e rreth 500 mijë eurove te banesa e ish-zyrtares së Ministrisë së Financave Alda Klosi, ka kërkuar mëshirë dhe falje nga Prokuroria. Gjatë seancës së sotme, ajo ka deklaruar se shumën e parave ia ka dhënë vetë Alda Klosi që t'i mbante disa kohë në shtëpinë e saj. Po ashtu ajo ka deklaruar se ka punuar gjithë jetën me punë të ndershme, ndërkohë që tha se Klosi donte që të fajësonte bashkëshortin e saj për vjedhje.  

“Kërkoj mëshirë, kërkoj falje. Shumën e parave m’i dha Alda Klosi për ti mbajtur disa kohë në shtëpinë time më pas t’ia ktheja. Kam punuar gjithë jetën me punë të ndershme jo të bëj vjedhje. Klosi më tha mbaj lekët, se donte të fajësonte bashkëshortin për vjedhje”, tha Dobi.

Çështja e Rozeta Dobit dhe Alda Klosit mori një vëmendje të shtuar nga drejtësia shqiptare për shkak të shumës rekord që pastruesja ia doli të vidhte në banesën e zyrtares, një vlerë që e kalon atë të 500 mijë eurove. Vjedhja e shtëpisë së Klosit u pikas nga vajza e ish-zyrtares, pasi Rozeta Dobi dhe djali i saj Havieri kishin hapur derën me forcë dhe e kishin inskenuar si grabitje. Por, kamerat e sigurisë zbuluan gjithçka. Tashmë nënë e bir janë në pranga. Ata kanë pranuar autorësinë e ngjarjes, por misteri lidhet me pronarin e parave. Kjo pasi në ditën e arrestimit, policia gjeti në banesën e Rozetës dhe Havierit një sasi prej gati 120 milionë lekë të vjetra, para dhe stoli floriri. Kjo shumë sipas Alda Klosit bashkë me florinjtë i përket asaj. Por të nesërmen pas arrestimit, falë një përgjimi ambiental policia gjeti të fshehura në tubin e aspirimit të shtëpisë së pastrueses edhe 400 mijë euro të tjera. 

rozeta dobi

Sondazh

Poll

MË SHUMË