Sport

Nis ‘valsi’ i stolave në Seria A: Sarri drejt Fiorentinës, ndërsa Italiano pranë Napolit

Ish-trajneri i Lazios është duke negociuar me pronarët e ‘Violës’, ndërsa trajneri i Fiorentinës prej disa kohësh është në fokusin e De Laurentiis.

17 Mars 2024, 13:00 Nga DOSJA

Nis ‘valsi’ i stolave në Seria A: Sarri drejt Fiorentinës,

ITALI - Po fillojmë të kemi një pasqyrë më të qartë për të ardhmen e stolave në Serinë A. Vincenzo Italiano do të largohet nga drejtimi i ‘Violës’ në fund të sezonit dhe dyshja Commisso-Barone tashmë kanë identifikuar një zëvendësues: Maurizio Sarrin.

Fiorentina është kulmi perfekt i eksperiencës së tij në Serinë A, në një qytet gjysmë ore larg shtëpisë së tij dhe në një stadium, ku si fëmijë ai shkonte të ndiqte ‘Violën’, i shoqëruar nga xhaxhallarët.

Nga ana tjetër, Vincenzo Italiano ka qenë prej kohësh në fokusin e presidentit De Laurentiis. Atij i pëlqen sistemi i lojës, i famshmi 4-3-3 që është kthyer në pikën e referimit të presidentit dhe futbolli sulmues që praktikojnë ekipet e tij. Ai është kandidati numër një në rast se Calzona nuk bën ndonjë mrekulli në dy muaj në krye të Napolit.

Megjithatë, e ardhmja e pankinave të Lazios dhe Romës është praktikisht e sigurt. Lotito sapo ka zgjedhur Tudorin për të mbyllur këtë sezon dhe për të nisur planifikimin e sezonit të ardhshëm, ndërsa Friedkins tashmë e kanë De Rossin në zemër për atë që ka treguar deri më tani në aspektin e lojës dhe rezultateve.

Të panjohurat e mëdha të Juventusit dhe Milanit mbeten gjithmonë, mbi të cilat hija e Contes ngërthen mbizotëruese, me sugjerimet e Thiago Mottas dhe Palladinos që shoqërojnë hipotezat për të ardhmen. Te Juventus, shumë do të varen nga Allegri.

Nëse ai nuk largohet, klubi do t'i ofrojë një zgjatje të kontratës, e cila për momentin skadon në vitin 2025. Nga ana tjetër, Pioli po luan shumë në fund të sezonit. Një paraqitje e mirë në Europa League dhe një vend i dytë në kampionat mund ta mbajë atë sërish në krahun e kuqezinjve vitin e ardhshëm.

B.T (Dosja.al)