Bota

Sulmi rus gjatë vizitës së Mitsotakis në Ukrainë, Këshilltar i Zelensky-t: Shenjestra mund të ishin udhëheqësit

Udhëheqësit po inspektonin korridorin ukrainas të eksportit të grurit në portin e Detit të Zi kur raketa goditi infrastrukturën e portit.

7 Mars 2024, 14:44 Nga M.B
Sulmi rus gjatë vizitës së Mitsotakis në Ukrainë,
Presidenti i Ukrainës Volodymyr Zelenskiy dhe kryeministri grek Kyriakos Mitsotakis

UKRAINA- Këshilltar i lartë presidencial ukrainas, Ihor Zhovkva, tha se nuk mund të përjashtohej që sulmi rus në portin e Odessa një ditë më parë kishte shënjestruar delegacionet e Volodymyr Zelensky-t ose kryeministrit grek Kyriakos Mitsotakis. Udhëheqësit po inspektonin korridorin ukrainas të eksportit të grurit në portin e Detit të Zi kur raketa goditi infrastrukturën e portit.

"Ishte me të vërtetë më pak se 500 metra nga ne. Çfarë ishte kjo? Nuk mund të përjashtoni se ishte drejtuar ndaj delegacionit të presidentit tim apo delegacionit të mysafirëve të huaj," tha për CNN Ihor Zhovkva.

Zhovkva shtoi se raketa u lëshua nga Krimea, e cila u aneksua nga Rusia në 2014.

"Raketës iu deshën më pak se tre minuta për të arritur objektivin, në vendin e portit të Odesës. Po të kishim mjaftueshëm mbrojtje ajrore, kjo raketë balistike mund të ishte kapur”, tha ai.

Si Zelensky ashtu edhe Mitsotakis dolën në një konferencë për shtyp të mërkurën për të thënë se kishin qenë dëshmitarë të sulmit. Pesë persona u vranë në sulm, tha ushtria ukrainase. Ministria ruse e mbrojtjes tha në një deklaratë të mërkurën se trupat e saj kishin sulmuar një hangar që strehonte dronët e marinës ukrainase në port, duke shtuar se qëllimi është arritur.



lufta rusi-ukraine

Sondazh

Poll

MË SHUMË