Bota

Vrasja e Liridona Ademajt/ Zgjatet me dy muaj paraburgimi për Naim Murselin dhe dy të dyshuarit e tjerë

27 Shkurt 2024, 17:19 Nga r.ll

Vrasja e Liridona Ademajt/ Zgjatet me dy muaj paraburgimi për Naim Murselin

granit plava, naim murseli, kushtrim kokalla

KOSOVË- Gjykata Themelore në Prishtinë ka zgjatur edhe për dy muaj të tjerë paraburgimin për Naim Murselin, Kushtrim Kokallën dhe Granit Plavën të cilët akuzohen si të përfshirë në vrasjen e Liridona Ademajt. Lajmin e ka dhënë zëdhënësja e Gjykatës Themelore në Prishtinë, Mirlinda Gashi.

“Masa e paraburgimit të pandehurve i është vazhduar edhe për dy muaj. Masa e paraburgimit iu llogaritet prej datës 29.02.2024 deri më datë 28.04.2024″, tha ajo.

Sipas njoftimit të Gjykatës Themelore të Prishtinës, Murseli dyshohet se veprën penale “Vrasje e rëndë në bashkëkryerje”, Plava për veprën penale “Vrasje e rëndë” dhe vepën penale “Mbajtja në pronësi, kontroll ose posedim të paautorizuar të armëve”, ndërsa Kokalla për shkak të veprës penale “Marrëveshja për të kryer veprën penale Vrasje e rëndë.”.

Kujtojmë se vrasja e Liridona Ademajt ndodhi më 29 nëntor në fshatin Bërrnicë të Komunës së Prishtinës. Për vrasjen e saj janë arrestuar tre persona, e cila sipas dosjeve të hetuesisë dhe prokurorisë, dyshohet se ishte inskenuar. Vrasja e saj dyshohet se u porosit nga bashkëshorti i saj, Naim Murseli, me të cilin Liridona kishte dy fëmijë.

Vrasjen dyshohet se e ka kryer Granit Plava, pasi Murseli ia kishte premtuar 30 mijë euro. I dyshuar është edhe nipi i Murselit, Kushtrim Kokalla, që ishte pjesëtar i FSK’së. Sipas raportimeve, ai ia kishte gjetur dorasin Murselit. Të tre këta janë arrestuar ditën kur u varros Liridona, saktësisht disa orë pas ceremonisë së varrimit. Gjithashtu në pranga u vu edhe një person i katër si i përfshirë në vrasje. Tomë Dodaj nga Gjakova dyshohet se iu ka shitur armën Naim Murselit dhe autorit të krimit Granit Plava.

liridona ademaj naim murseli kushtrim kokalla granit plava