Bota

Lirohen dëshmitarët italianë të Jehovait të kapur nga xhihadistët në Mali

Familja ishin Dëshmitarë të Jehovait që thuhet se po planifikonin të ngrinin një kishë kur u rrëmbyen nga shtëpia e tyre jashtë qytetit jugor të Koutialës.

27 Shkurt 2024, 16:24 Nga E. D

Lirohen dëshmitarët italianë të Jehovait të kapur nga

Grupet xhihadiste

MALI- Qeveria italiane tha se një çift i moshuar italian dhe djali i tyre, të cilët u rrëmbyen nga xhihadistët në Mali në maj 2022, janë liruar. Familja ishin Dëshmitarë të Jehovait që thuhet se po planifikonin të ngrinin një kishë kur u rrëmbyen nga shtëpia e tyre jashtë qytetit jugor të Koutialës. Bashkë me ta u rrëmbye edhe punonjësja e shtëpisë së tyre.

"Lirimi i çiftit, Rocco Langone dhe Maria Donata Caivano, dhe djali i tyre, Giovanni Langone, u sigurua nga agjencia italiane e inteligjencës dhe ministria e jashtme, falë kontakteve të tyre me drejtuesit e komunitetit dhe agjencitë e inteligjencës së Malit," tha qeveria italiane.

Familja kishte jetuar në një zonë që ishte shumë e infiltruar nga xhihadistët dhe rrëmbimet u kryen nga një fraksion i lidhur me një degë të Al-Kaedës të njohur si Grupi për Mbështetjen e Islamit dhe Muslimanëve (JNIM). Mali është goditur nga një kryengritje për më shumë se një dekadë, me xhihadistët që shpesh rrëmbejnë shtetas të huaj për shpërblim ose për të kërkuar lirimin e bashkëluftëtarëve. Ushtria mori pushtetin në një grusht shteti në vitin 2021, duke akuzuar qeverinë për dështimin për të bërë sa duhet për të shuar kryengritjen. Ajo dëboi trupat franceze dhe paqeruajtësit e OKB-së dhe solli grupin rus Wagner për të ndihmuar në luftimin e xhihadistëve, por nuk ka asnjë shenjë që kryengritja të përfundojë.

rocco langone maria donata caivano giovanni langone