Aktualitet

Drejtonin mjetet në gjendje të dehur, arrestohen 2 persona në Fier dhe procedohen 2 të tjerë

Po ashtu 29-vjeçari me iniciale Q.I drejtonte mjetin në gjendje të dehur.

21 Shkurt 2024, 11:56 Nga E.d
Drejtonin mjetet në gjendje të dehur, arrestohen 2 persona në
Policia

FIER- Arrestohen dy persona në Fier dhe procedohen dy të tjerë për vepra penale të ndryshme. 55-vjeçari me iniciale P.N u arrestua pasi drejtonte mjetin në gjendje të dehur dhe eshtë përplasur me një mjet tjetër. Po ashtu 29-vjeçari me iniciale Q.I drejtonte mjetin në gjendje të dehur.  

Ndërsa Prokuroria nisi procedimet për 48-vjeçarin me iniciale A.E pasi dyshohet se ka kërcënuar për shkak të detyrës, një mjek. Gjithashtu u procedua edhe J.M banues në Divjakë, pasi dyshohet se për motive pronësie, ka kanosur një shtetas. 

Njoftimi i Policisë:

DVP Fier/Vihen në pranga 2 shtetas dhe procedohen në gjendje të lirë 4 të tjerë, për vepra penale të ndryshme. Specialistët e Sektorit të Policisë Rrugore të DVP Fier arrestuan në flagrancë shtetasit: P. N., 55 vjeç, banues në Fier, pasi ditën e djeshme, në aksin rrugor “Fier – Patos”, automjeti që drejtonte ky shtetas, në gjendje të dehur, është përplasur me automjetin me drejtues shtetasin L. Xh.. Nga përplasja ka patur vetëm dëme materiale; Q. I., 29 vjeç, banues në fshatin Zhamë, pasi u kap duke drejtuar automjetin, në gjendje të dehur.

Specialistët për Hetimin e Krimeve të Komisariatit të Policisë Fier referuan materialet në Prokurori, ku nisi procedimi në gjendje të lirë për shtetasit: A. E., 48 vjeç, banues në Fier, pasi dyshohet se ka kanosur për shkak të detyrës, një mjek; Specialistët për Hetimin e Krimeve të Komisariatit të Policisë Divjakë referuan materialet në Prokurori ku nisi procedimi në gjendje të lirë për shtetasin J. M., banues në Divjakë, pasi dyshohet se për motive pronësie, ka kanosur një shtetas. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

fier

Sondazh

Poll

MË SHUMË