Sport

Barcelona 'rikuperon' Joao Félix për ndeshjen ndaj Napolit në “Maradona”...

Portugezi është pjesë e skuadrës ‘blaugrana’ për ndeshjen e parë të 16-tës të Champions League, të mërkurën në orën 21:00

20 Shkurt 2024, 10:51 Nga DOSJA

Barcelona 'rikuperon' Joao Félix për ndeshjen ndaj Napolit

SPANJE - Barcelona njoftoi mëngjesin e sotëm, përpara se të udhëtonte për në Itali, listën e lojtarëve të thirrur për ndeshjen e kësaj të mërkure në Napoli, që korrespondon me ndeshjen e parë të 1/16-tës së Champions League. 

Trajneri Xavi rikuperon Joao Félix-in, pasi ka kapërcyer dëmtimin e këmbës së djathtë, që e ka mbajtur jashtë fushave të lojës për tre javët e fundit, por ai vazhdon t'i drejtohet punën për të rikuperuar dhe i është përgjigjur thirrjes për shkak të mungesave të konsiderueshme që ka Barcelona.

Xavi Hernández nuk ka të disponueshëm për ndeshjen e parë të raundit të 16-të të Champions League për shkak të dëmtimeve të ndryshme të: Balde, Gavi, Ferran Torres, Marcos Alonso dhe Sergi Roberto.

Barcelona 'rikuperon' Joao Félix për ndeshjen ndaj Napolit

Lista për ndeshjen e kësaj të mërkure në stadiumin “Diego Armando Maradona” përbëhet nga: Ter Stegen, Cancelo, Araujo, Iñigo Martínez, Pedri, Lewandowski, Raphinha, Iñaki Peña, Joao Félix, Christensen, Fermín, Oriol Romeu, Vitor Roque, Jong, Gündogan, Koundé, Lamine Yamal, Astralaga, Casadó, Cubarsí, Marc Guiu dhe Héctor Fort.

Barcelona do të udhëtojë për në Napoli sot, në mëngjesin e së martës dhe do të stërvitet pasdite, në orën 19:00, në vendin ku do të zhvillohet takimi i turneut kontinental.

B.T (Dosja.al)

Sondazh

Poll

MË SHUMË