Bota

Vuçiç pas takimit me të dërguarit e BE për dialogun: Kurti gënjen për dinarin, Borrell e kupton situatën, por është i dobët

Vuçiç tha se në Konferencën e Sigurisë nuk ka pasur presione të reja “prapa skene” për çështjen e Kosovës ndërsa ka shtuar se ka pasur për çështjen e Rusisë.

17 Shkurt 2024, 16:40 Nga M.B
Vuçiç pas takimit me të dërguarit e BE për
Aleksandër Vuçiç

MYNIH- Presidenti i Serbisë, Aleksandër Vuçiç tha në një deklaratë për mediat nga Mynihu se Bashkimi Evropian ose nuk ka ose nuk dëshiron të aplikojë mekanizma ndaj Kosovës. Vuçiç tha se në Konferencën e Sigurisë nuk ka pasur presione të reja “prapa skene” për çështjen e Kosovës ndërsa ka shtuar se ka pasur për çështjen e Rusisë.

"Do të ketë vizita më thelbësore dhe më të rëndësishme në Serbi", tha Vuçiç.

Vuçiç deklaroi se gjatë ditës ka pasur bisedime me Komisionerin e Lartë për Politikë të Jashtme dhe Siguri Josep Borrell dhe të dërguarin e posaçëm të BE-së për dialog Miroslav Lajçak.

“Kemi thënë që duam të jemi në çdo takim, por duam të shohim rezultate, folëm për dinarin, një nga gënjeshtrat tinëzare të Kurtit, i cili u thotë të gjithëve këtu se jemi në një periudhë tranzicioni tre mujor që i referohet faktit se ai nuk do të vjedhë dinarë”, tha Vuçiç.

Ai shtoi se pret një ftesë në Bruksel në ditët në vijim dhe shpreson për një zgjidhje.

“Borrell është i saktë dhe e kupton se çfarë po ndodh, por ai është i dobët”, u tha Vuçiç gazetarëve në ditën e dytë të Konferencës së Sigurisë në Mynih.

"Borrell dhe Lajçak, nuk janë të verbër, i dinë të gjitha, por duhet të kesh mbështetjen e shteteve anëtare për të bërë diçka”, shtoi ai.

Vuçiç shtoi se nuk dëshiron të komentojë nëse kjo mbështetje ekziston në të vërtetë apo jo.

aleksander vucic serbia

Sondazh

Poll

MË SHUMË