Aktualitet

Humbi jetën në aksident në Sarandë, gjyshi i 15-vjeçarit: Na e shkule shpirtin i bukuri Kelush

Gjyshi i 15-vjeçarit i ka dedikuar nipit të tij një poezi prekëse ku ka ndarë dhimbjen e madhe për humbjen e të riut.

9 Shkurt 2024, 14:52 Nga N.F
Humbi jetën në aksident në Sarandë, gjyshi i
15-vjeçari

SARANDË- Pas ngjarjes së rëndë të regjistruar mbrëmjen e djeshme ku humbi jëtën një 15-vjeçar ka ardhur edhe reagimi i familjarëve. Gjyshi i 15-vjeçarit i ka dedikuar nipit të tij një poezi prekëse ku ka ndarë dhimbjen e madhe për humbjen e të riut. Ai shpreh dhimbjen që ka kapluar gjithë familjen për humbjen e madhe, ndërsa shkruan se kujtimin e tij dhe aromën e tij do ta ruajë sa të jetë gjallë. 

I riu u përplas nga një makinë tip “Benz” rreth orës 21:40 në aksin rrugor Sarandë-Ksamil. Ngjarja u regjistrua pasi makina tip “Lancia” kishte pësuar defekt në rrugë dhe tre persona po shtynin mjetin në momentin kur shoferi 20-vjeçar i ka aksidentuar. Nga përplasja u plagos rëndë 15-vjeçari i cili më pas humbi jetën në spital. Në lidhje me ngjarjen është vënë në pranga shoferi i "Benzit".

Postimi i gjyshit:

PËRSE IKE KELUUUSH ?

Kelush pse ike kaq shpejt në qiell?

Ti për ne ishe i ngrohtë si Diell…

Përse o Zot na e bëre gjithë këtë gjëmë?

O dhimbje sa një planet e rëndë?!

Buzëqeshjen tënde, dheu si mund ta tresë ?

Ike kelush i gjyshit, ike dhe na le pa shpresë

S’do ti shohim më kaçurelat e tua mbi ballë

Ti ishe bërë si div,ti ishe dy metër djalë !

Ooh ,çna e shkule shpirtin i bukuri Kelush

Digjemi nga dhimbja jote me shumë se prush!

Ç’qe që kjo gjëmë e zezë të ënjten në mbrëmje

S’ka masë që mund ta masë të këtillë dhembje !

O Keli ne na u shemb qielli dhe malet mbi kokë

Që mbrëmë, lotët  për ty i derdhëm me okë..

Çohu e thuaj një fjalë mama Jones e babit Altin

Bëra shaka thuaju dhe hidhu në qafë me gëzim!

Përse o Zot,more Kelin,pesëmbëdhjetë vjeçarë

Ai ishte rob i Zotit ,ishte më i bukuri lastarë?

Oh sa ëndërra të bukura,tu prenë,Kelush në mes

Që mbrëmë u mbyllën përgjithmonë sytë e tu të zes!

Smund ta besoj, që sdo vish te gjyshi në Ksamil .

Ti për ne ishe vetë  pranvera,më i bukuri trëndafil..!

Kelush,që ke pak orë që sje mesh,nuk dua ta besoj

Aromën tënde do ta ruaj në shpirt,deri sa të rroj !

Keli ,Kelush… Keliiiiii!

aksident sarande viktime

Sondazh

Poll

MË SHUMË