Aktualitet

Filloi ta akuzonte për tradhëti pas rikthimit nga Gjermania, flet gruaja e izoluar nga burri në Tiranë: Dhunonte edhe 4 fëmijët

Në dëshminë e saj para hetuesve gruaja është shprehur se mbyllej në banesë nga burri i cili i ushtronte edhe dhunë dhe e ruante me kamera.

6 Shkurt 2024, 11:36 Nga N.F
Filloi ta akuzonte për tradhëti pas rikthimit nga Gjermania, flet
Asqeri Mandri

TIRANË- Pas zbardhjes ë dëshmisë së 34-vjeçar Asqeri Mandri i cili u arrestua ditën e sotme është zbardhur edhe dëshmija e gruas së tij. Mandri u vendos në pranga pasi ai ushtronte dhunë dhe kishte mbyllur gruan në banesë. Ai gjithashtu kishte instaluar kamera në banesë për të monitoruar gruan.

Në dëshminë e saj para hetuesve gruaja është shprehur se mbyllej në banesë nga burri i cili i ushtronte edhe dhunë dhe e ruante me kamera. Ajo më tej shtoi se 34-vjeçari pas kthimit nga Gjermania kishte shfaqur shenja të theksuara xhelozie dhe gjithë kohën e shante duke e akuzuar edhe për tradhti.

Çifti ka 4 fëmijë të cilët kanë rënë pre e dhunës së vazhdueshme. Në pamjet e kamerave të sigurisë shfaqet 34-vjecari, i cili në momente të ndryshme teksa luante me fëmijët ngrihej dhe ushtronte dhunë ndaj gruas. Policia ka sekuestruar pamje nga kamerat e sigurisë si provë materiale, të cilat do të shërbejnë si prova në procesin e hetimit në vijim.

asqeri mandri

Sondazh

Poll

MË SHUMË