Sport

VIDEO/ Depay i jep fitoren "in extremis" Atlético Madridit ndaj Rayo Vallecanos...

Falë një goli të ri të Memphis Depay, pas një asistimi të Antoine Griezmann, Atlético Madridi mezi mposhti Rayo Vallecanon (2-1) këtë të mërkurë, në një ndeshje të prapambetur të ditës së 20-të të La Ligës. Bardhekuqtë mbeten të tretët.

1 Shkurt 2024, 00:04 Nga DOSJA
VIDEO/ Depay i jep fitoren "in extremis" Atlético Madridit ndaj

SPANJE - Shpesh i dëmtuar që nga fillimi i sezonit, Memphis Depay është rikthyer për tre ndeshjet e fundit, duke e ndihmuar Atlético Madridin. 

Një javë më parë, holandezi i kualifikoi bardhekuqtë në gjysmëfinalet e Kupës së Mbretit në kurriz të Sevilla FC (1-0). Të dielën e kaluar, ai shënoi sërish kundër Valencias në La Liga (2-0) dhe për fillimin e tij të tretë radhazi, ishte sërish ai që veshi kostumin e shpëtimtarit kundër Rayo Vallecano (90’+1), duke fiksuar shifrat në 2-1, pas një shërbimi nga Antoine Griezmann, i cili hyri në lojë në vend të Angel Correa (58’).

Duke shënuar golin e tij të parë me Atléticon, me një goditje me kokë nga një goditje dënimi, Reinildo mendoi se kishte bërë pjesën e vështirë (35’), por Alvaro Garcia (43’) u përgjigj me një kros të bukur dhe barazoi në 1-1. 

Correa dhe Depay iu mohuan gjithashtu dy gola për pozicion jashtë loje (30’ dhe 82’), përpara një përfundimi të lumtur në minutat e fundit, falë holandezit Depay (90’+1), që vulosi fitoren 2-1 për Atletico Madridin. 

Falë kësaj fitoreje, bardhekuqtë thyen rekordin e tyre të pathyeshmërisë në shtëpi (28 ndeshje), të startuar më 21 janar 2023 dhe ruajnë vendin e tretë në renditje (47 pikë), me tetë pikë prapa Gironas dhe shtatë pas Realit, teksa do të udhëtojë për në Getafe të enjten.

B.T (Dosja.al)

Sondazh

Poll

MË SHUMË