Sport

Japonezi Junya Ito që luan me Reims, akuzohet për sulm seksual në vendin e tij...

Sulmuesi japonez i Stade de Reims, Junya Ito (30), akuzohet për sulm seksual sipas shtypit japonez. Ndërkombëtari japonez, aktualisht në Kupën e Azisë në Katar, do të thoshte se marrëdhënia me një prej të rejave në fjalë ishte konsensuale.

31 Janar 2024, 22:40 Nga DOSJA
Japonezi Junya Ito që luan me Reims, akuzohet për sulm seksual në

JAPONI - Aktualisht në Kupën e Azisë me Japoninë, Junya Ito (30) akuzohet për sulm seksual. Dy femra kanë paraqitur një ankesë kundër sulmuesit të Stade de Reims për akte që dyshohet se kanë ndodhur qershorin e kaluar, pas një ndeshjeje të kombëtares japoneze. 

E zbuluar vonë, kjo aferë është bërë publike nga “Daily Shincho”. Faktet dyshohet se kanë ndodhur pas një ndeshjeje miqësore të fituar 4-1 nga Japonia kundër Perusë, natën e 20-21 qershorit 2023, pas një mbrëmjeje alkoolike.

Sulmuesi i Réims (2 gola dhe 4 asistime në 17 ndeshje këtë sezon) dhe një nga dy ankueset, do ta kishin kaluar mbrëmjen në një restorant para se të shkonin në një hotel në Osaka. Kallëzuesja tjetër ishte e pranishme në të njëjtën mbrëmje. Dy dëshmitë do të ishin mjaft të detajuara, sipas të përditshmes japoneze. 

Junya Ito ende nuk ka reaguar publikisht, por thuhet se lidhja me njërën prej tyre ka qenë konsensuale. Japonia duhet të përballet me Iranin këtë të shtunë në çerekfinalet e Kupës së Azisë, pasi mposhti Bahreinin (3-1) të mërkurën në raundin e 16-të me Iton në stol.

B.T (Dosja.al)

Sondazh

Poll

MË SHUMË