Politike

Tensionet në Komisionin e Medias/ Nikolla: Shkelën rregulloren e Kuvendit dhe penguan zhvillimin e mbledhjes

Sipas saj dy deputetët penguan me dhunë zhvillimin e mbledhjes dhe fyen rëndë kryetaren e Komisionit, Flutura Açkën.

17 Janar 2024, 14:06 Nga r.ll

Tensionet në Komisionin e Medias/ Nikolla: Shkelën rregulloren e

TIRANË- Pas debateve dhe tensioneve në mbledhjen e Komisionit të Medias ka reaguar kryetarja e Kuvendit, Lindita Nikolla, e cila tha se sjellja e tyre është shkelje e Rregullores së Kuvendit dhe e etikës së sjelljes së deputetit.

Sipas saj dy deputetët penguan me dhunë zhvillimin e mbledhjes dhe fyen rëndë kryetaren e Komisionit, Flutura Açkën.

“Dhuna e ushtruar prej deputetëve Bardhi dhe Noka i kaloi caqet e dhunës verbale, dhe për këtë flasin pamjet e transmetuara nga media’, shkruan ajo.

REAGIMI I PLOTË:

Dënoj ashpërsisht ngjarjen shumë të rëndë që ndodhi sot në Komisionin e Medias të Kuvendit të Shqipërisë. Deputetët Gazment Bardhi dhe Flamur Noka, jo vetëm penguan me dhunë zhvillimin e mbledhjes së Komisionit, por fyen rëndë Kryetaren e Komisionit, deputeten e nderuar Flutura Açka.

Ky sulm i paprecendent ndaj një zonje deputete të Kuvendit të Shqipërisë, është shumë më tepër se shkelje e Rregullores së Kuvendit dhe e etikës së sjelljes së deputetit.

Në një kohë kur Kuvendi është duke punuar për ashpërsimin e legjislacionit kundër dhunës ndaj grave, në mjediset e tij, në një sallë mbledhjesh ku duhet të zhvillohet debat për ligjet dhe prej nga duhet të rrezatohet edukatë dhe qytetari, në sy të kolegëve, medias dhe gjithë qytetarëve, dy deputetë ushtrojnë dhunë ndaj një kolegeje të tyre, deputete dhe Kryetare Komisioni. Dhuna e ushtruar prej deputetëve Bardhi dhe Noka i kaloi caqet e dhunës verbale, dhe për këtë flasin pamjet e transmetuara nga media.

komisioni i medias lindita nikolla

Sondazh

Poll

MË SHUMË