Politike

Konferenca e Kryetarëve/ Nga opozita e pranishme vetëm Tabaku: Prezenca ime është në dakordësi të plotë me grupin

Tabaku tha se është fatkeqësi që mazhorancës i ka ngecur ora te Reforma në Drejtësi.

11 Janar 2024, 13:41 Nga r.ll
Konferenca e Kryetarëve/ Nga opozita e pranishme vetëm Tabaku:
jorida tabaku

TIRANË- Deputetja Jorida Tabaku, ishte e vetmja nga opozita që mori pjesë në mbledhjen e Konferencës së Kryetarëve.

Gjatë fjalës së saj në mbledhje u shpreh se prezenca e saj është në dakordësi të plotë me grupin dhe opozitën. Tabaku tha se është fatkeqësi që mazhorancës i ka ngecur ora te Reforma në Drejtësi.

“Prezenca ime në Konferencën e Kryetarëve është në dakordësi të plotë me grupin parlamentar të PD dhe opozitën. PD ka qenë dhe do jetë gjithnjë proaktive në çështjen e integrimit Europian. Fatkeqësi që kjo mazhorancë i ka mbetur ende ora tek Reforma në Drejtësi dhe ka dështuar në reformat e tjera. Shqipërisë i duhen reforma për të vazhduar procesin e integrimit. I duhet një klimë dialogu mes qeverisë dhe opozitë. Jo hipokrizi!

Mazhoranca kërkon dialog për Reformën Zgjedhore ndërkohë që Kryeministri dje ka shpallur monolog për reformën zgjedhore.Parlamenti duke refuzuar abuzivisht ngritjen e Komisioneve Hetimore ka goditur demokracinë. Ligji ri për Komisionet Hetimore, në interes të hallit të qeverisë. Sa më shumë komisione aq më shumë skandale dhe aq më shumë hetime nga SPAK. Drejtësia po merret me Korrupsionin, ne na duhet një parlament që të mbajë përgjegjëse qeverinë për angazhimet e saj kundër korrupsionit. Angazhimet për këtë hartë të integrimit nuk duhet të jenë në letra. Janë piketat që duhet të ketë kuvendi për një demokraci parlamentare jo për një parlament noter të dëshirave të qeverisë. Qeveria po bën monolog, miraton një rregullore pa pyetur opozitën. Një qeveri që ka 50% të koncesioneve në SPAK nuk mund të bëj moral për korrupsionin dhe për SPAK. Një mazhorancë që ka mbrojtur koncesionet në SPAK nuk mund të bëjë moral për korrupsionin dhe kundër opozitës”, tha deputetja demokrate.

jorida tabaku

Sondazh

Poll

MË SHUMË