Politike

"400 euro është 400 mijë lekë"/ Rama: Lekun e forcon ekonomia, jo fjalimet e partisë

Ai ndal tek forcimi i paprecedentë i lekut dhe zhvlerësimin e madh të euros përgjatë vitit të fundit, duke thënë se kjo vjen për shkak të rritjes së besimit te ekonomia e vendit.

20 Dhjetor 2023, 12:44 Nga h.k
"400 euro është 400 mijë lekë"/ Rama: Lekun e
Edi Rama

TIRANË- Kryeministri Edi Rama gjatë ceremonisë "Kredi të lehtësuara" për mbështetjen e ushtarakëve, mjekëve dhe policëve është ndalur dhe tek këmbimi valutor. Rama e ka quajtur të fortë lekun kur, sipas tij, 400 euro është barabartë me 400 mijë lek. 

Ai ndal tek forcimi i paprecedentë i lekut dhe zhvlerësimin e madh të euros përgjatë vitit të fundit, duke thënë se kjo vjen për shkak të rritjes së besimit te ekonomia e vendit.

Rama: Shqipëria nuk ka asgjë tjetër përpara përveçse të shkojë më lart, më lart, më lart. Sepse Shqipëria ka dalë nga rrethi vicioz dhe nga një hap para-dy hapa mbrapa. Dhe mjafton të shikoni lekun. Shikoni lekun sot se të tjerat mund të merren me dyshim, se disa thonë kështu disa ashtu. Shikoni lekun. Lekun nuk e forcojnë as fjalimet e mia, as vendimet e qeverisë, as planet e partisë. Lekun e forcon ekonomia, vetvetiu. Dhe sot kush merr një pagë minimale që është dyfishi i pagës minimale që ne gjetëm, nuk merr 400 mijë lek, merr 400 euro. Dhe nuk ishte 400 euro, 400 mijë lekëshi para shumë pak kohësh. Të gjitha këto janë arsye për të pasur besim dhe shpresë edhe më të madhe në të jetuarit në këtë vend.

edi rama

Sondazh

Poll