Sport

MLS vendos rregulla të reja, për të rritur kohën efektive të lojës...

Këtë të enjte, Liga e Futbollit të Amerikës së Veriut publikoi rregulla të reja për sezonin 2024, që synojnë të parandalojnë humbjet e kohës

15 Dhjetor 2023, 16:52 Nga DOSJA
MLS vendos rregulla të reja, për të rritur kohën efektive

SHBA - MLS do të ketë rregulla të reja për sezonin e ardhshëm, disa prej të cilave synojnë të luftojnë kohën e humbur në ndeshje. Në një deklaratë të lëshuar përmes platformave të saj zyrtare, Liga e Futbollit të Amerikës së Veriut prezantoi rregullat e reja, që do të hyjnë në fuqi në 2024/25 dhe të cilat synojnë "të japin prioritet shëndetin dhe sigurinë e lojtarëve, zhvillimin e lojës dhe ruajtjen e integritetit të garës”.

Kështu, ndër rregullat e reja të Ligës, ku luan Lionel Messi, veçohen dy që synojnë të pengojnë humbjet në kohë të ndeshjes:

“Rregulli i zëvendësimit në kohë”: Një lojtar i zëvendësuar do të ketë 10 sekonda për t'u larguar nga fusha. Përndryshe, "do të bëjë që lojtari në hyrje të presë për një periudhë prej 60 sekondash përpara se të bashkohet me lojën në ndalimin tjetër." 

“Rregulli i trajtimit jashtë fushës”: Nëse një lojtar i dëmtuar qëndron në tokë për më shumë se 15 sekonda, gjyqtari do të ndalojë lojën dhe do t'i sinjalizojë ekipit mjekësor që të hyjë fushë dhe të vlerësojë lojtarin. Kur të përfundojë, lojtari do të largohet nga fusha dhe do të qëndrojë jashtë për një periudhë minimale prej 2 minutash (me përjashtim të dëmtimeve serioze ose të kokës, portierit dhe gabimeve me karton).

B.T (Dosja.al)

Sondazh

Poll

MË SHUMË